Bandina La Curuxa

La Bandina La Curuxa somos Iván, Nel, Arsenio y Queco y xuntémonos va unos tres años pa siguir faciendo lo que tola vida fixemos: disfrutar tocando música tradicional nes folixes y xuntances del país. Los nuestros oríxenes pasen por delles bandes de gaites y grupos de baille y d’equí saquemos parte del nuestru repertoriu amás de músiques de la tradición d’otres tierres, composiciones yá tradicionales y dalguna composición propia. Basándonos nesti repertoriu dímos-y un toque propiu colos instrumentos que tocamos: gaita, acordión, tambor, bombu y delles percusiones más, resultando una estraña combinación llena de variedá, frescura y xuerga cola que lo mesmo disfruta’l qu’escucha que’l que-y peta baillar ensin parar.