Rodrigo F. Joglar

Rodrigo Fernández Joglar (Xixón, 1988) entama a tocar la gaita asturiana a la edá de 10 años de mano del gaiteru Juan Carlos Varela en Xixón, pa pasar al añu siguiente a ser alumnu del prestixosu Mayestru Gaiteru Pedro Pangua, na Escuela Municipal de Música de Llanera, onde tamién fexo estudios de curdión diatónicu col Mayestru Xuan Nel Expósito y de percusión tradicional tamién con Pedro Pangua.Completó la so formación nesta escuela con estudios de Llinguaxe musical, conxuntu coral y pianu.
Amás de con Pedro Pangua, continuó los sos estudios de gaita con otru de los grandes Mayestros Gaiteros de Asturies, Alberto Varillas y na actualidá estudia Gráu Profesional de Gaita Asturiana nel Conservatoriu Profesional de Música "Eduardo Martínez Torner" de Uviéu, con profesores como Diego Pangua, Iñaki S. Santianes o Rocardo Soberado. Paralelamente participó en dellos cursos complementarios con gaiteros de la talla de Fred Morrison o Patrick Molard.
Asina mesmo, formó parte de la Banda de Gaites "Fonte Fuécara" de Pruvia (Llanera), cola que tien tomao parte en dellos festivales de calter nacional ya internacional, como son el XVIII Festival Intercéltico do Morrazo (Moaña, Galiza, xunetu 2002) ol Festival de la danse bretonne et de la Saint-Loup (Gwengamp, Breizh, agostu 2002).
Tamién participó como gaiteru y curdioneru na "Joven Orquesta de las Escuelas de Música del Principado de Asturias" (JOEMPA), dirixía por Pablo Herrero, cola que representó a Asturies nel "8th European Youth Music Festival 2004" en Malmö (Suecia).
Na actualidá ye componente de la Banda de Gaites "La Raitana" de Nava y Piloña, onde baxo la dirección de los Mayestros Gaiteros Flavio R. Benito y Jordi F. Boltá participó na grabación del discu "Moh.ito"(2006) asina como en distintos festivales internacionales en países como Francia, Italia, Portugal, etc.
Per otru llau ye miembru de la "Asociación de Interpretes de Canción Asturiana" (AICA) como gaiteru acompañante de tonada y miembru fundador del grupu folk "Verdasca" onde se encarga del curdión diatónicu y voces.
Ye con esti grupu col que graba una maqueta discográfica nel añu 2007 y col que algama el 2u premiu nel Concursu de Folk "Cidrerie du Terroir" nel Festival Interceltique de Lorient 2007 (Bretaña) y el primer premiu na modalidá de grupos folk del Concursu y Muestra de Folclor "Ciudá de Uviéu" en 2008.
Realizó collaboraciones como gaiteru con la "Orquesta de Cámara del Conservatorio del Nalón", el grupo "Teatro Margen", la cantante de tonada Anabel Santiago, el grupu de folk lleutrónicu "Xera" y con estremaos grupos de baille de Asturies.
I edited my profile with Thomas Myspace Editor V4.4 (www.strikefile.com/myspace)