Andrea F. Joglar

Andrea Fernández Joglar (Xixón, 1991) escomencipia a tocar la gaita asturiana a la edá de 7 años de manes del gaiteru Juan Carlos Varela en Xixón, pa pasar al añu siguiente a ser escolina del Mayestru Gaiteru Pedro Pangua na Escuela Municipal de Música de Llanera. Ye nesta escuela onde completa la so formación con estudios de llinguaxe musical y conxuntu coral, asina como con clases de curdión diatónicu col mayestru Xuan Nel Expósito (Felpeyu, Ciquitrinos) y de tambor asturianu tamién con Pedro Pangua.
Además, introdúcese na xiblata de maera de manes del gaiteru y flautista Diego Pangua (Felpeyu).
Complementa la so formación con dellos cursos con músicos renomaos como Fred Morrison, Patrick Molard, Baldomero Gutiérrez o Jacobo de Miguel ente otros.
Anguaño estudia Gráu Profesional pola especialidá de Gaita nel Conservatoriu Profesional de Música "Eduardo Martínez Torner" d..Uviéu, col profesor Ricardo Soberado.
Tien formao parte como gaitera de la Banda de Gaites "Fonte Fuécara" de Pruvia (Llanera), cola que tien participao en dellos festivales de calter nacional ya internacional, como son el XVIII Festival Intercéltico do Morrazo (Moaña, Galiza, xunetu 2002) o..l Festival de la danse bretonne et de la Saint-Loup (Gwengamp, Breizh, agostu 2002).
Pese a la so mocedá, tien algamaos importantes premios como gaitera solista en dellos concursos d..Asturies como son:
- el 1er premiu nel “Certamen de Gaita Asturiana Gaiteru Lliberdón” de Lliberdón, na categoría infantil (Colunga, años 2002, 2003, 2004 y 2005).
- el 2u y 1er premiu nel “ I y II Concurso de gaita de Xixón”,na modalidá “gaiteros solistas”, categoría infantil (Xixón, años 2003 y 2004).
- el 1er premiu nel XV Concurso y Muestra de Folklore “Ciudad de Oviedo” na modalidá de “gaiteros solistas”. Premiu “Gaiteru de Veriña” (Uviéu, añu 2007).
Dende 2004 ye componente de la Banda de Gaites "La Raitana" de Nava y Piloña, onde baxo la dirección de los Mayestros Gaiteros Flavio R. Benito y Jordi F. Boltá participa como gaitera y percusionista na grabación del discu "Moh.ito"(2006). También ye miembru fundador del grupu folk "Verdasca", onde s..encarga de la gaita asturiana, xiblata de maera y coros, y col qu..algama..l segundu puestu nel Trophée de Musique Celtique “Cidrerie du Terroir” nel Festival Interceltique de Lorient (2007).
Nel añu 2007 ye la gaitera encargada d..abrir l..actu institucional del XXVIII Día de les Lletres Asturianes nel Teatru Campoamor d..Uviéu.
Asina mesmo, nesti añu participa como gaitera invitada na Nuit Interceltique del Festival Interceltique de Lorient asina como, dientro del mesmo festival, nel Conciertu del 55 aniversariu del Bagad de Lann-Bihoué.
En febreru de 2008, ye galardonada col premiu AMAS "Meyor Gaiteru. Nuevos valores", qu..ufre l..Anuariu de la Música Asturiana. I edited my profile with Thomas Myspace Editor V4.4 (www.strikefile.com/myspace)