VERDASCA

Verdasca surde en xineru de 2006 de la xuntanza d..un grupu de músicos mozos procedentes de la Escuela Municipal de Música de Llanera y la banda de gaites "La Raitana".
Basen el so repertoriu na reellaboración de musica tradicional asturiana y composiciones propies del grupu. La so propuesta ye dafechu acústica, basando la so intrumentación nel emplegu d..instrumentos tradicionales asturianos, como la gaita, el curdión diatónicu, el vigulín o les percusiones tradicionales, asina como otros instrumentos como la guitarra acústica o les percusiones llatines.
Una de les principales característiques de Verdasca ye la mocedá de los sos componentes, con edaes compredíes ente los 16 y los 21 años.
En xunetu de 2007 espublicen la so primer maqueta discográfica, compuesta por una selección de cuatro pieces del so repertoriu onde espeyen el trabayu que llevó a cabu el grupu durante esi primer añu de trabayu, asina como la propuesta musical que quier desendolcar.
N..agostu de 2007 formen parte de la Delegación Asturiana nel Festival Interceltique de Lorient, onde algamen el segundu puestu nel Trophée de Musique Celtique “Cidrerie du Terroir”.
En 2008 algamen el primer premiu nel Concursu y Muestra de Folclor "Ciudá d..Uviéu", troféu "Igor Medio y Carlos Redondo" de la modalidá de grupos de folk.
En febreru de 2009 reciben el premiu AMAS como grupu revelación del añu 2008.
COMPONENTES:
..
MARINA PANGUA CUESTA (Voz, pandereta, panderu cuadráu):
(Uviéu, 1992) Deprende canto llírico cola profesora Carmen Luz Fernández na Escuela de Municipal de Música de Llanera ya introduzse nel mundu de la canción asturiana de la mano de la perconocía cantante Mariluz Cristóbal Caunedo.
Amás, realiza estudios de percusión tradicional col so pa na Escuela Municipal de Música de Llanera.
Tamién collabora davezu cola Pingarata Big Band de Llanera.
ANDRÉS GARCÍA ÁLVAREZ (Guitarra acústica):
(Posada de Llanera, 1991) Tien como profesores a destacaos guitarristes del panorama musical asturianu, tantu nel ámbitu de la guitarra clásica, como del folk, el rock o el jazz, como son Carlos Cuanda, Jesús Prieto, Alfredo Morán, Alberto Rionda o Rubén Bada. Tamién tien dio a masterclases o cursos de jazz con músicos como Alfredo Morán, Salvador Domínguez, Israel Sandoval, Joaquín Chacon, Andreas Prittswitch, Mathew Simon, Noah Shaye, David Pastor...
Tien collaborao con dellos grupos de rock llanerenses como “Dr. Skroto” o “Insomnio”, y formó parte de la Big Band de Llanera, tocando el saxofón.
Tien algamaos un segundu y un primer premiu nel Concursu de Gaites Noega de Xixón. Na actualidá estudia Gráu Profesional de Guitarra Clásica nel Conservatoriu del Nalón.
ANDREA FERNÁNDEZ JOGLAR (gaita asturiana, flauta de maera):
(Xixón, 1991) Recibe clases de gaita asturiana y percusión tradicional del Mayestru Gaiteru Pedro Pangua y de flauta de maera, col fíu d..ésti, Diego Pangua (Felpeyu).
Formó parte de la Banda de Gaites “Fonte Fuécara” y na actualidá ye componente de “La Raitana”.
Como gaitera solista tien ganao bien de premios en distintos concursos d..Asturies, tanto nes modalidáes xuveniles como nes absolutes, como el Concursu y Muestra de Folclor “Ciudá d..Uviéu”, o el Concursu de Gaita de Xixón.
Anguaño , estudia Gráu Profesional de Gaita nel Conservatoriu Profesional de Música d..Uviéu.
Tien Collaboráo col Bagad de Lann Bihoué, banda de gaites profesional de la Marina Francesa, nel festival Intercélticu de Lorient.
RODRIGO FERNÁNDEZ JOGLAR (Curdión diatónicu y voz):
(Xixón, 1988) Entama na gaita asturiana col Mayestru Gaiteru Pedro Pangua, col que tamién deprende a tocar el tambor asturianu. Continúa los sos estudios de gaita col Mayestru Gaiteru Alberto Varillas. Entama nel mundu de curdión diatónicu de manos del curdioneru asturianu Xuan Nel Expósito.
Foi componente de la Banda de Gaites “Fonte Fuécara” y anguaño forma parte de la Banda de Gaites “La Raitana”. Amás, estudia Gráu Profesional de Gaita nel Conservatoriu Profesional de Música d..Uviéu.
Tien collaboráo col grupu “Xera”, el grupu "Teatro Margen" y la banda d..Anabel Santiago.
SARA FERNÁNDEZ ÁLVAREZ (Percusiones):
(Uviéu, 1987) Deprende a tocar el tambor tradicional asturianu y otros instrumentos de percusión tradicional col Mayestru Gaiteru Pedro Pangua y percusión llatina y batería col percusionista Leonel Duarte na Escuela Municipal de Música de Llanera.
Tien formao parte de les Bandes de Gaites “Fonte Fuécara” (Pruvia, Llanera) y Xiranda (Cualloto) y collaboró como percusionista cola Banda de Gaites “La Raitana” (Nava y Piloña).
JOSÉ COTERA SERRANO (Vigulín):
(Llanes, 1990) Entama na música a la edá de nueve años, recibiendo clases de gaita de mano del mayestru Vitor Carbajal na Escuela de Música Tradicional "Llacín" de Llanes, cursando per otra parte estudios de solféu y pianu na Escuela Municipal de Música de Llanes.
Nel 2001 entra a formar parte de la Banda de Gaites "Llacín" (Llanes), cola que participa como gaiteru y percusionista na grabación de dos trabayos discográficos, "Tornallás" y "Xideces", asina como en dellos festivales internacionales. Esi mesmu añu entama a recibir clases de vigulín del vigulineru pixuetu Lisardo Prieto (N..arba, Felpeyu). Nel añu 2004 entama col bouzouki de xeitu autodidacta.
Anguaño, tamién toca col grupu Llaeza, de que ye ún de los miembros fundadores.
Verdasca was born in January 2006. Their members come from Llanera..s Traditional Music School and asturian pipe band "La Raitana" .Even tough mast of their repertoire is traditional asturian music, but they play some original compositions too. Verdasca is a very young band, the age average of the musicians being 16.
Verdasca se forme en janvier 2006 par un groupe de jeunes musiciens issus de l Ecole de musique de Llanera et la banda de gaitas "La Raitana". Leur répertoire se base sur la réélaboration de la musique traditionnelle asturienne, bien qu'il aient aussi leurs propres arrangement et compositions. La principale particularité de Verdasca est la jeunesse de ses membres, d' une moyenne d' âge de 16 ans.
I edited my profile with Thomas' Myspace Editor V4.4