La Raitana

HESTORIA:
La Banda de Gaites “La Raitana” fórmase p'ente los escolinos de los cursos de gaita y percusión tradicional de les Escueles Municipales de Música de Nava y Piloña (Asturies).
Los mayestros de gaita son: en Piloña, Jordi Fernández, y en Nava, Flavio R. Benito. Los mayestros de percusión son: Pablo Pumarada en Piloña y Javier Tejedor en Nava. El direutor de la Banda de Gaites La Raitana ye Flavio R. Benito.
Esta banda, que ficiere la so presentación oficial na primavera de 1998, compónenla una veintena de persones con edaes qu'arrodien p'ente los 12 y los 35 años.
La agrupación fai a lo llargo'l cursu cuatro ensayos mensuales xenerales qu'alternen el so desendolque los vienres ente Nava y L’Infiestu.
La Banda de Gaites La Raitana, vistese con traxes tradicionales asturianos, reproducios de grabaos del sieglu XIX y trabayaos con materies naturales, el so repertoriu ta basau na música tradicional asturiana, amestando nel so trabayu igües de perconocios músicos asturianos como Antolin de la Fuente, Jesús A. Arévalo, Jorge Méndez, Javier Tejedor, asina comu les composiciones ya igües del so direutor Flavio R. Benito.
Los instrumentos usaos pola banda, son enfotaos a los artesanos de más prestixu del Principáu, porfiando, como nun pudiere ser d..otra manera, pelos instrumentos de mayor calidá fechos nel país.
En tornu al añu 2003 cambiáronse los traxes por unos nuevos “de gala”, de collor prietu y encarnáu, el de les moces copiáu d'una semeya de principios del sieglu XX recoyía nel conceyu de Piloña de les fotografíes que fixera Modesto Montoto, y el de los mozos, d..un diseñu basáu nos traxes d..época. Tamién se camudaron los traxes de les gaites y los aros de los tambores polos mesmos colores, y diseñose una bandera cola raitana que representa la banda.
"LA RAITANA" ANGUAÑO:
Actualmente, en febreru de 2009, la banda sigue formada por una ventena de persones, foron munches les que marcharon, pero tamién apaeció xente nueva, con ganes de trabayar, apurriendo nueves idees.
Anguaño la banda ta codirixía por Flavio R. Benito y Jordi F. Boltá, puesto qu'esti últimu fizo un trabayu comparable al de Flavio, con composiciones propies ya igües d’otros temes. Na dirección de percusión aporta a finales de 2008 el percusionista asturianu Arsenio Ruíz González (B.G. "Llariegu", Bandina "La Curuxa") .
A entamos de 2009, ampliose la sección de percusión de la banda, cola adquisición de una batería de alta tensión de la casa "Premier", compuesta por caxes de alta tensión "HTS 800", tambores tenores y bombu "Premier Hosbilt", col envís d..aumentar les posibilidáes técniques del cuerpu de percusión.
DISCOGRAFÍA:
"De La Revuelta a La Marea" (Fonoastur 2002)
"Moh.ito" (Fonoastur 2006)
I edited my profile with Thomas' Myspace Editor V4.4