MACEDONIA

I'd like to meet:

Според последните податоци, Македонија поседува 7.081 недвижен споменик од кои 4.293 се археолошки локалитети, 992 цркви и манастири со над 150.000 метри квадратни фрескосликарство, над 22.855 икони и 240 иконостаси, балдахини и владички тронови изведени во резба, објекти од рурална (220) и урбана (379) архитектура, 47 кули, бедеми и мостови, 12 урбани и рурални ансамбли, 188 објекти од стопански карактер, 1.000 споменици и спомен-обележја, 228 објекти од османлиска архитектура (џамии, анови, амами, стари чаршии и сл).Музејските и галериските колекции содржат над 500.000 експонати (археолошки и етнолошки предмети, предмети од историско значење, како и предмети од применета уметност). Во 1980 година во Листата на споменици под заштита на УНЕСКО е внесен и регионот на Охрид со езерото и културното наследство на градот и потесната околина.Mакедонските градови од периодот на антиката се наш најголем трезор.Во исклучителните вредности се вбројуваат материјалите од неолитот, наодите од Анзабегово,Осинчани,Говрлево,ТрРµÐ±ÐµÐ½Ð¸ÑˆÐºÐ¸Ñ‚е гробови, откриените златни маски, христијанските базилки чиј максимален број е 330, со претпоставка дека може и да се зголеми. "Нашиот проблем не лежи во откриеното туку во недоволно презентираниот материјал во странство, каде што, главно, се познати градовите Скупи, Стибера, Хераклеја, Лихнид. Странската наука знае не повеќе од 50 до 100 локалитети, а ние имаме 5 илјади".Во редот на највредните,покрај споменатите градови, ги додаваме Стоби, но и Стибера, островот Голем Град, Вардарски Рид, Марвинци, а пак во редот на највредните движни археолошки наоди ги вбројуваме тетовската Менада, главата на Дионис од Јаболце, двата сатира кои се наоѓаат во Музејот во Белград, златните наоди од Дебој, Требеништа, Делагожда, но и македонските бронзи, неолитските статуетки од Тумба Маџари,наодите од локалитетот Беранци.