Isidro Vidal

No ano 1995 comeza a súa andaina como gaiteiro. Recibe clases nas Escolas de Gaitas de O Carballiño e Ourense, e no Conservatorio Mayéusis (Vigo), asistindo a cursillos organizados por estas institucións así coma polo concello de Vigo. Recibe clase da man de A.C.Requeixo, Jacobo Nóvoa Datorre, J.M. Mojón, Xohán.M.Xil Páxaro, Carlos Núñez e Ernesto Campos. Por outra banda, asiste a conferencias sobre a gaita e músicas tradicionais, impartidas por Mário Correia, Jean Pierre Van-Hees, Patrick Molard, Germán Díaz,… A súa andaina no mundo da música non se limita á gaita, se non que recibe clases na Escola de Música Municipal de Barbadás (2007/2008) de piano e clarinete, e de forma autodidacta, aprendeu a tocar o Whistle.
Fundou os grupos folk-rock “A.K.B.” e “Angazo”, os cuartetos tradicionais “Ialma Galega” e “Os Pastores de Samil” e o grupo de fusión “Los Wachos”.
Ten actuado tanto nas emblemáticas festas tradicionais da Galiza, coma en auditorios e teatros en numerosos festivais, nos que destacamos: “Menizadora Dudacky Fêstival Strakonick” (Rep. Checa, 1998), “Xuntanza Internacional de Gaiteiros” (2001, 2002, 2003, 2004 e 2005), “Dia da Hispanidade” (New York, 2002), “Homenaxe 11-S” (Zona 0-New York, 2002), “Stand TurGalicia” (París, Londres, Milán, Franckfurt, New York, Roma), “Piping Festival” (Glasgow, 2005), “WPBC” (Glasgow, 2005), “Auditoría do Papa Xohán Paulo II” (Vaticano-Roma, 2005), “Festas Varias” (Casa Galega de Madrid, Baracaldo, Ermua, Newark, Alcalá de Henares, …), “Premios Principe de Asturias”, “Fêtê 14-Xullo” (Francia, 2006), …
Ten compartido esceario e grabacións discográficas con músicos da talla de Cristina Pato, Anxo Lorenzo, José Angel Hevia, Iain McDonald, Mestre Polo, María do Ceo, Carlos Núñez, Real Coro Toxos e Frores, Jean-Pierre Van Hees, National Joung Pipe Band, A Coral de Ruada, Germán Díaz, Kalma (pop-rock), Vichelocrego (folk),...
Acadou como director da Banda de Gaitas de Cenlle, o ascenso a 3ª división na LGBBGG, e co grupo “Los Wachos” a 15 posición na semifinal Eurovisión-Spain2008.
Actualmente ten editadas dúas “maketas” propias, “wachowacho!!” (Isidro e amigos) e “Mutila2” (Isidro Vidal) e numerosos LP..s en colaboración coa “Banda de gaitas de Samos”, coa “Real Banda de Gaitas”,...
En canto á docencia, impartiu clases de gaita e percusión, na Asociación Veciñal de Freas (Punxin), e de gaita no C.E.I.P. “Carmen García Carrasco” de Cenlle, e na Banda de Gaitas de Cenlle (formación de corte tradicional).
Actualmente imparte clases de gaita na Escola de Gaitas de O Carballiño (dende o ano 2002), estuda gaita no Conservatorio Mayéusis (Vigo), clarinete e piano na Escola de Música M. de Barbadás (Ourense), toca nos grupos “Angazo”, “Los Wachos” e no cuarteto tradicional “Os Pastores de Samil”.

Ver Fotos

Copy this code to your website to display this banner!