Thys Nywerheid

Thys Nywerheid is in 1907 gebore op ‘n plaas duskant Bethlehem. Op die jeugdige ouderdom van 2 val Thys in die beesdip en hierdie insident besorg hom lewenslange bestandheid teen siektes. Hy vier tans sy 100ste bestaansjaar en is nog perdvris! As jong seun het hy graag eksotiese voels, kleinwild en troeteldiere met sy kettie gejag. Nadat sy vader hom behoorlik laat riem spring het omdat hy die stoetbul se waardevolste anatomie met ‘n klippie geskaad het is sy kettie van hom ontneem. Uit pure furstrasie het die jonge Thys hom gewend tot boeremusiek as vertroosting. Thys se eerste profesionele optrede het plaasgevind in die Bethlehem Auto repair shop. Daar is hy 2 pond betaal – om op te hou speel. Thys is kort daarna vort die buiteland in om te gaan veg in die oorlog. Hy geniet hierdie werk so baie dat hy sommer 3 nuwe oorloe begin nadat die 2de wereld oorlog beeindig is. Nadat hy die kommuniste eiehandig verslaan het en die Berlynse muur met sy trekker gesloop het keer hy terug na sy Vaderland om die kulturele leemtes wat kommunisme veroorsaak het te herstel. Gewapen met sy kitaar begin hy ‘n orkes so saam met die tiekie draai van die eeu. In sy geliefde Jakaranda stad ontmoet hy die geheimsinnige draaitafel Jafel, ‘n vent wat ‘n trippel agent is vir die Ossewabrandwag en die sluit aan by die Thys Nywerheid boere orkes Thys Nywerheid is ‘n uitverkore boere profeet en sy vertoning spreek van onwrikbare waardes en herlewing van vergete kultuur juwele. Nieteenstaande die ernstige roeping van die orkes is daar tog ook die geleenthede om die litte op die dansvloer los te maak want Afrikaners is mos immers plesierig! Thys Nywerheid is ‘n gesiene musikant en het al talle pryse ingepalm vir sy uitmuntende bydraes tot die Afrikaner erfenis. Hy is tans besig met sy Autobiografie – “Noem my Oom: die steunpilaar van die boerevolk” Asof daar nog plek op sy kerfstok is het Thys ook al vele pryse verower met sy kookvernuf. Verkleurmannetjie pannekoeke en Koedoe long bredie val onder sy gunsteling disse. Thys Nywerheid eet nie van die vloer af nie.