Tjóðveldi

Á hesari síðu, fáa tit høvi til at seta spurningar og kjakast um tey evni, ið stinga seg upp.
Á heimasíðu okkara www.tjodveldi.fo , er møguleiki fyri at fylgja við í hvat hendur í flokkinum, umframt at lesa eitt sindur um flokkin og hjartamálini. Eisini er møguleiki, um onkur skuldi so ynskt, at gerast limur í flokkinum umvegis heimasíðuna.
Hjartamál 1/5 – Altjóða samstarv Ein fortreyt fyri, at Føroyar menna seg til eitt nútímans vesturlendskt samfelag, er, at vit kunnu granska, lesa og kappast á jøvnum føti við onnur. Tjóðveldi hevur sum hjartamál, at vit: * frítt skulu útbúgva okkum í øðrum londum * samstarva um gransking við tey fremstu * gera eitt altjóða universitet í Føroyum * skapa eitt kappingarført vinnulív á altjóða støði * fáa limaskap í altjóða felagsskapum, har vit vilja * lata Merkið veittra millum hini
Hjartamál 2/5 – Okkara samleiki Vit skulu støðugt bjóða okkum sjálvum av og nútímansgera okkara mentan, so at vit errin trína út í heim sum føroyskir heimsborgarar. Tjóðveldi hevur sum hjartamál, at vit skulu: * traðka út í heim við sjálvsvirðing millum onnur * vera errin av okkara máli, mentan, søgu og virðum * støðugt nútímansgera okkara mentan og bjóða okkum sjálvum av * kenna okkum sum føroyskar heimsborgarar * fáa føroyska skúlaverkið á altjóða stig * ígjøgnum okkara egnu mentan læra onnur mál og kenna aðrar mentanir * stuðla øllum skapandi virksemi: tónleiki, sjónleiki, myndlist, bókmentum, søvnum, sjálvbodnum felagsskapum og ítrótti* skapa eitt veruliga føroyskt sjónvarp.
Hjartamál 3/5 – Full ábyrgd Føroyar skulu gerast eitt samfelag, har ábyrgd og avleiðingar ganga hond í hond, bæði rættarliga, búskaparliga og persón-liga. Tjóðveldi hevur sum hjartamál, at: * fáa skil á búskapin og standa á egnum beinum * byggja eitt nútímans samfelag á fólkaræði og rættartrygd * gevast at renna undan og útflyta okkara trupulleikar * standa til svars og taka avleiðingar av okkara gerðum * skipa eitt sosialt rættvíst og samhaldsfast samfelag * skapa rættindir, møguleikar og sjálvsvirðing hjá teimum, ið tørvar mest
Hjartamál 4/5 – Ríkt umhvørvi Føroyar skulu taka altjóða ábyrgd og ganga á odda í tilfeingisrøkt, so at vit kunnu lata børnum okkara eitt ríkt og livandi umhvørvi. Tjóðveldi hevur hesi hjartamál: * at steðga ovurnýtsluni av náttúru og tilfeingi * at tryggja eina skynsama tilfeingisrøkt * at lata okkara børnum eitt ríkt og liviligt umhvørvi * at skapa eitt heilsugott arbeiðsumhvørvi * at øll hava møguleikan at liva eitt sunt lív * at brúka reinar orkukeldur * at krevja umhvørvisfyrilit, tá ið vit ferðast og byggja landið út * taka lut í altjóða avtalum og tiltøkum til at steðga dálking og veðurlagsbroytingum
Hjartamál 5/5 – Veruligt frælsi Í einum frælsum Føroyum skulu vit tryggja øllum frælsi at liva, trúgva, halda, elska og velja, sum tey vilja. Tjóðveldi hevur sum hjartamál, at: * loysa okkum frá gomlum forðingum og politiskum bondum * virka frælst í heiminum sum tjóð og mennast á jøvnum føti við onnur * vinnulívið kann virka frælst uttan serrættindir og stuðulsskipanir til tey fáu * tryggja øllum persónligt frælsi at liva, trúgva, halda, elska og velja sum tey vilja * skipa ein veruligan javnstøðupolitikk – ikki bert í okkara flokki og í politikki, men fyri alt samfelagið * krevja, at frælsið hjá okkum er undir ábyrgd fyri frælsinum hjá øðrum