FÖROYSKT FULLVELDI Á MYSPACE

Henda síða roynir at birta undir eina tvörfloksliga rörslu, sum hevur til endamáli at stuðla persónligum og ríkisrættarligum fullveldi fyri föroyingar.
Hetta byggir á hugsjónina um rættindini hjá fólkunum/tjóðunum at skipa seg í egin fræls fullveldisríki,
sum víðari spríkir frá hugsjónini um ómissandi rætt hins einstaka til lív, rættvísi og frælsi at ráða sær sjálvum, og velja sína egnu lagnu.
Helst mest týðandi stigið, er at vit skipa okkara viðurskifti sambært okkara egnu grundlóg.
Grundlógin er ein sáttmáli millum einstaklingarnar, sum samfelagið og stýringin av tí síðani er bygt upp av.
Í hesum sáttmálanum ásanna, viðurkenna og áseta vit rættindi og skyldur hjá hvörjum einstökum og definera grundleggjandi karmarnar fyri hvussu landið verður stjórnað og áseta grundarlagið fyri hvussu okkara viðurskifti við onnur lond og altjóða samfelagið skulu skipast.
Grundlógin hevur til endamáls at verja rættin hjá hvörjum einstökum okkara, sum eru partar av samfelagnum og rættindini hjá okkum sum tjóð. Grundlógin gevur okkum ikki nörkur rættindi, vit ikki eiga, men hon er ein sáttmáli, sum skal verja okkara ómissandi rættindi sum einstaklingar og sum tjóð, soleiðis at tey aldrin gleppa okkum av hondum.
Arbeitt hevur verið við einum uppskoti, men arbeiðið bleiv tíverri súltað í farna valskeiði. Tað er sera umráðandi at hetta arbeiði fer í gongd aftur soleiðir at vit, Föroya fólk, kunna viðgera og viðtaka hendan grundleggjandi sáttmála.
Vitja heimasíðuna hjá grundlógarnevndini her
Vónandi fáa vit eitt skunda undir fólksligu hugsanina soleiðis at tankin um tjóðskaparligt og persónligt frælsi gerst meira og meira sjálvsagdur.Allir vinir okkara eru vælkomnir at geva sítt íkast til hesar hugsanir og viðmerkja hví júst tú heldur fullveldið verða týdningarmikið.
Byrjanarskotið til Föroysku Tjóðskaparrörsluna í nýggjari tíð, var tá fólk hittust til tiltikna Jólafundin í 1888.
Tíðin er langtsíðani komin til at fara eitt stig víðari og hjá okkum, fólkinum, at taka sakina í egnar hendur og ganga á odda við kravinum um at menna hetta landið til eitt frælst samfelag í heiminum millum aðrar tjóðir við okkara egna samleika
Tíðin er komin til ein nýggjan Jólafund, har tey sum halda at prinsippini um rættin til frælsi hjá hvörjum einstökum og rætturin til frælsi hjá tjóðunum eru vegurin fram fyri föroyingar, fylkjast og skapa eitt fólksligt krav um at myndugleikarnir halda beina leið móti persónligum og ríkisrættarligum fullveldi.
Um tú tekur undir við hesum endamálum, so er at tekna teg sum vin, gera viðmerkingar og vera partar av online felagskapinum hjá Föroyskum Fullveldi
Öll sum taka undir við pörtum ella öllum sjónarmiðum her á síðuni eru vælkomin at taka lut í kjakinum og röringinum - uttan mun til flokspolitiskan lit, trúgv ella onnur viðurskifti.