c l i c k h a z e

Vælkomin á Myspacesíðuna hjá CLICKHAZE.
Endamálið við hesi síðuni er at savna tilfar um bólkin CLICKHAZE og at kunna um öll tey mongu spennandi projektini, sum limirnir og fólkini kring CLICKHAZE fáast við: T.d. hevur Jens eina spillfeska verkætlan koyrandi beint nú, sum tú kanst lesa meira um niðanfyri. Petur og Bogi eru á veg við næstu flöguni. Eivör hevur kortsíðani givið nýtt út og er sera aktiv sum listafólk. Högni hevur givið tvær flögur út og arbeiðir allatíðina við nýggjum. Jón fæst við alskyns tónleikaligar verkætlanir so sum G! Festival, GBOB, Grót og mangt annað. Mikael spælir við 200, Teitur og øðrum. Og um vit taka t.d. Ólavur Jákupsson við, sum sang við bólkinum seinastu tíðina bólkurin var virkin, saman við Knút Háberg Eysturstein og Mikkjal Gaard, so eru rættiliga nógvar greinar sprotnar út frá hesum trænum, ið kallast CLICKHAZE. Tað er stuttligt at ímynda sær, hvussu föroyski tónleikapallurin mundi sæð út, um ikki júst hesi fólkini funnu saman um at samstarva fyrst í Clickhaze, síðani í so mongum öðrum höpi og við so mongum öðrum fólkum eisini.
Ætlanin er at savna mest möguligt at tíðindum og vitan um alt hetta á hesum stað, so tað er lætt og ómakaleyst at kunna seg um, hvat gongur fyri seg á yrkisleiðunum hjá Clickhazunum og vinum teirra. Og tað er nóg mikið at taka av.
Her er ein föroysk Clickhaze-bio av eini íslendskari síðu. Hon er gomul og treingir til nakrar, fyri ikki at siga nógvar dagföringar, men tað kemur. Róligur Sámal Mattias!
Klikk her fyri at fara til (gamla) CLICKHAZE-bio
Her er spildurnýggj video frá projektinum hjá Jens, ORCA.
Flöga og DVD úti nú.
Les meira um útgávuna á blogginum.
ORCA - Volmar letur eygað aftur (The Third Eye Foundation RMX feat. Com-Data)