País Llïonés

El País Llionés ye'l nome que recibe la tierra de los llïoneses.

Ta asitiáu na península ibérica, repartíu ente deillas comunidaes autónomas del estáu hespañol y el distritu pertués de Bregancia. La mayor parte d'él ta na comunidá de "Castilla y León" (Llión, Zamora y Salamanca) anque las zonas que fain llende cun estas provincias podrían considerase llïonesas pul raigame cultural de las mesmas (restos llinguísticos, nidios sistemas poblacionales, gastronómicos...). Fai llende pul norte cul Principáu d'Asturias, al este cun Castiella, al Sur cun Estremadura, y al ueste cun Galicia y Pertual.

Hestoria

García I, Rei del Conventu Astur (división romana del territoriu astur), deixóu n'herencia'l Reinu "Astur" al sou fiyu, Ordoño II qu'anque'l sou pai trelladara la Corte a la ciudá de Llión, esti cabeiru fou'l primeiru n'emplegar el títulu de Rei de Llión. Cuna formación del nuevu reinu continúa la conquista p'hacia'l sur peninsular entamáu dende la Batalla de Cuadonga (Asturias) llegandu a lluchas pul poder ente reinos cristianos (Nafarroa, Castilla...) El Reinu de Llión espárdese pul Douru y el Sistema Central fasta l'autual Estremadura.
Cul espardimientu'l reinu fadralu tamién la sua llingua, el llïonés.

Llingua

Nel País Llionés fálanse'l castellán, llionés, y pertués, anque en deillas zonas nótase abondu la influyencia de llinguas vecinas cumu son la gallega.
Cultura
Pula mor de ser ún de los reinos más importantes de la Península (fundador de los dous reinos que más s'espardionun pul mundu - Castilla y Portugal -) la cultura Llïonesa comparte rasgos cun todas eillas.
Llión apurre al enxeme cultural na Edá Media: las súas lléis, la conformación de Castiella cumu "entidá opositora", los préstamos llingüísticos al castellán, la formación del estáu pertués, la idega imperial hispánica ou la Universidá de Salamanca. Ente las aportaciones llionesas a la cultura europea destacan el Fueru de Llión, primeira vuelta que se recueya la inviolabilidá del domicilu, el Fueru de Coria ou la creyación de las Cortes que ye la primeira vuelta na que los ciudadanos participan nas políticas rexas, 70 años anantias qu'Inglaterra, ou la regulación de la moneda nas cortes de Benavente.
Cabe dicire, que fou precisamente en territoriu del País Llïonés onde s'atopóu el primer documentu nuna llingua romance na península Ibérica, la Nodicia de Kesos.Fou'l primer documentu en llingua romance hispánica que da a la Hestoria de la Llingua un testu escritu siendu segundu tras los Xuramentos d'Estrasburgo.