Tonio

Mamma de su Sarrabus, babbu de su Gerrei, nasciu in Campidanu e cresciu in Sulcis. Pottu i’ nominis de’ i’ nonnus, e ndi fazzu bantu. Seu sardu, de familia, fintzas’ a innui arribbada s’arregodu de is antigus nostus, e cumment’ ‘e ommini: arrexionu, pappu, castiu su mundu de sardu; puru candu chistionu, in italianu o (mali) in limba e’ sa propria cosa, du fazzu de sardu. D’appu cumprendiu tradu, ma d’appu cumprendiu – e appu accabbau de pigai po beridadi su chi s’ iscola, sa telebisura, s’ istadu mi obianta fai crei. No seu italianu, no ddu pozzu essi. De un’ attra cosa seu siguru, tengu su coru a manca e su sanguini arrubiu: po su pagu chi potzu, po su pagu chi sciu, seu cun i’ debilis, is poburus, cun is isfrutadus. Seu unu de issus, puru chi meda pru’ fortunau de meda attrus. No e’ facili nai meda attru, nisciunu scidi diaderus chini e’. Meda pru’ facili nai su chi no seu: no seu bellu, no seu meda prexosu, no seu amistantziosu e, sigumenti no seu mancu umili, no seu tontu.a