Ljótu hálfvitarnir

Music:

Member Since: 1/11/2007
Band Website: ljotuhalfvitarnir.is
Band Members: Aggi
Ármann
Baldur
bibbi
Eddi
Gums
Oddur
Sævar
Toggi
Influences: Bjór...
Sounds Like:

Hálfvitasíðan:
www.ljotuhalfvitarnir.is

Hálfvitapóstur:
[email protected]

Hálfvitamyndir:
www.flickr.com/photos/ljotuhalfvitarnir

Enda þótt Ljótu hálfvitarnir séu ekki gamalt band í núverandi mynd liggja ræturnar alla leið aftur til ársins 1986 þegar þeir Ármann og Toggi stofnuðu hljómsveitina Down and Out. Þá var Baldur einmitt tveggja ára. Þeir félagar höfðu þá þegar verið liðtækir í tónlistarmenningu Húsavíkur en segja má að þarna hafi verið lagður hornsteinninn. Eftir nokkrar snælduútgáfur, nafnabreytingar og strjála starfsemi innlimuðu þeir síðan Ásbyrginginn Sævar og breyttu nafninu í Ljótu hálfvitarnir. Þetta var árið 2001. Nafnið kom þannig til að þeir félagar voru við spilamennsku og voru þá nafnlausir. Þegar þeir síðan stigu niður af sviðinu kom ánægður/hneykslaður áhorfandi að máli við þá og segir: „Þið eruð nú ljótu hálfvitarnir!“ Þar með var það ákveðið.

Snemma árs 2006 var stofnuð hljómsveit. Sveitin var sett saman í þeim tilgangi að spila tækifærislög og drykkjuvísur sem meðlimir höfðu sett saman í gegnum tíðina. Stofnmeðlimir voru þeir Ármann, Baldur, bibbi, Eddi, Gummi og Oddur, allir þekktir bílsskúrshljómsveitameðlimir frá Húsavík utan Odds sem hafði farið heldur fágaðri leið og var aukinheldur ekki frá Húsavík (en næstum því þó). Sveitin, sem hafði fengið nafnið Ripp, Rapp og Garfunkel, tók því rólega um sumarið en keyrði síðan í stífari spilamennsku. Haustið 2006 urðu mannabreytingar þegar Eddi yfirgaf skútuna vegna erfiðs lyftingaprógrams og Aggi kom inn í staðinn. Sveitin spilaði nokkrum sinnum og meðal annars með fyrrnefndum Ljótum hálfvitum. Sameiginlegir fletir, svo sem sú staðreynd að meðlimir beggja banda voru allir frá Húsavík og nærsveitum og þekktust því vel, svipaðar áherslur í tónlistarflutningi og að sami maður var í báðum böndum, urðu til þess að sameining var ákveðin haustið 2006. Ákveðið var að halda í nafnið Ljótu hálfvitarnir og við það situr í dag. Fyrir utan að nýskeð snéri týndi sauðurinn heim, Eddi er kominn aftur og fjöldi Ljótu hálfvitanna því í sögulegu hámarki.

Ljótu hálfvitarnir spila hressa, þjóðlagaskotna tónlist með áherslu á smellna texta. Eitt af aðalsmerkjum bandins er hljóðfæraskipan því þeir nota öll möguleg og ómöguleg hljóðfæri og sjaldgæft er að sami maður spili á sama hljóðfærið tvö lög í röð. Þannig gengur oft ýmislegt á á tónleikum þegar 9 menn, sumir hverjir feitir, þurfa að skipta um hljóðfæri eftir hvert lag. Skemmtan sem engan svíkur.

Record Label: Sena
Type of Label: Indie