Kristjana Arngríms

..This profile was edited with MySpace Profile Editor MySpace Profile EditorKristjana Arngrímsdóttir altsöngkona, nam tónlist á Íslandi og í Danmörku. Hún var í 14 ár félagi í Tjarnarkvartettinum sem var þekktur víða um Evrópu fyrir flutning á norrænum söng- og þjóðlögum og fóru þau söngferðir um víða veröld. Árið 2000 gaf Kristjana út sinn fyrsta einsöngs geisladisk, Þvílík er ástin og hefur hann notið mikillar hylli fyrir sönggleði og vandaðan flutning. Á þeim diski fékk hún til liðs við sig þá Daníel Þorsteinsson, píanóleikara, Jón Rafnsson bassaleikara og Kristján Eldjárn Þórarinsson, gítarleikara. Kristjana er komin heim frá Danmörku eftir að hafa dvalið þar í fimm ár og gaf hún gaf út diskinn“Í húminu“ árið 2005 sem er undir sterkum dönskum áhrifum. Þar leitar hún fanga í dönskum söngvasjóði, syngur lög eftir Carl Nielsen eitt þekktasta tónskáld Dana og Bjarne Haar. Vísur og sálmar eftir ýmis höfuðskál Dana, allt frá Grundtvig til Halfdan Rasmussen . í nýrri þýðingu Böðvars Guðmundssonar og Kristjáns E. Hjartarsonar.Einnig er að finna íslenskar þjóðlaga og söngperlur. Með henni á þeim disk spila þeir Jón Rafnsson, bassa, Örn Eldjárn, gítar, Tatu Kantomaa, harmonikku, Hjörleif Valsson, fiðlu og Örnólf Kristjánsson á Selló ------------------------------------------------------------ ---------------------------------------------------- Kristjana Arngrímsdóttir, lyrical alto and folk singer is educated in Iceland. She was a member of the Tjarnar Quartet, known in all Europe as performers of nordic ballads and songs. In 2000 Kristjana Arngrimsdottir published her first solo CD Þílík er ástin, Such is love. Kristjana, is back home after dwelling in Denmark for five years. In 2005 she recorded the CD Í húminu ("In the Twilight") with Danish as well as Icelandic material. Kristjana has sifted through Danish musical treasures and sings music by Carl Nielsen, the renowned composer, and Bjarne Haar. The lyrics, by some of Denmark´s great poets such as Grundtvig and Halfdan Rasmussen, are translated by Böðavar Guðmundsson and Kristján E. Hjartarson. On the CD you find traditional Icelandic songs as well as contemporary songs. ------------------------------------------------------------ ------------------------------------------------------------ -----------------------Fyrir jól koma út plötur í haugum, - og svo öðruvísi plötur, og þær eru fáar. Þeim mun eftirtektarverðari verða þær. Plata Kristjönu Arngrímsdóttur, Í húminu er þannig plata. Hefðin fyrir sönglaginu í sinni hreinustu og alþýðulegustu mynd er kannski ekkert sérstaklega mikil hér - vísnasöngur hefur ekki átt sama fylgi að fagna og á Norðurlöndunum. Ef til vill er sálmasöngur íslendinga gegnum aldirnar það sem næst kemst þeirra hefð, og hefð er það vissulega. Þema Kristjönu í lagavali eins og nafnið gefur til kynna húmið og myrkrið og með því stund íhugunar kyrrðar, bænar og friðar. Þó er svo langt frá því að yfir þessari plötu sé einhver helgislepja - það væri nær að kalla það andakt. Þarna eru danskir sálmar í anda Grundtvigs við lög Carl Nielsens svo og íslensk lög og sálmar(....) Það er sterkt hjá Kristjönu að velja "hin" lögin - smávinir fagrir - ekki sígilt lag Jón Nordals, - heldur minna þekkt og ekki minna fallegt lag Atla Heimis Sveinssonar, Erla, góða Erla - ekki lag Sigfúsar Einarssonar sem allir þekkja, heldur lag skagfirðingsins Péturs Sigurðssonar, Þei, þei og ró, ekki lag Jóns Leifs, heldur nýbura Hróðmars Inga Sigurbjörnssonar við fallegan texta sigurðs Jónssonar. Það þarf dirfsku og kjark þegar plötumarkaðurinn virðist hafa fátt betra fram að færa en endalausa Idol - söngvara með ærið misjafnar lummuplötur, að voga sér að stíga fram keik og brött og syngja Víst ertu Jesú kóngur klár og fleiri gamla sálma Hallgríms Péturssonar. Það gerir Kristjana, og það með reisn. (....) Kristjana býr yfir yndislegri og þokkafullri náttúrurödd, sem er eins og dökkt og hnaustþykt flauel. Röddin hennar klæðir húmsöngvana einkar vel, og túlkun hennar er einlæg og kemur beint frá hjartanu. Hljóðlátur innileiki þessarar plötu gerir hana sérstaka og verðmæta innan um það glyskennda markarðsdrasl sem einkennir íslenska plötuútgáfu. Bergþóra Jónsdóttir, Morgunblaðið.--------------------------------------------- ------------------------------------------------------------ ------------------------ Kristjana Arngrímsdóttir söng lögin og var túlkun hennar fullkomlega í takt við músíkina. Hún var lágstemmd og yfirveguð auk þess sem tæknilegar hliðar söngsins voru eins og best verður á kosið. Röddin var þýð, tær og notaleg áheyrnar; sönstíllin var einhversstaðar á milli þess að vera ljóða og dægurlagasöngur sem kom prýðilega vel út. Útkoman var sérlga þægileg og vel til þess fallin að róa taugarnar sem samkvæmt tónleikaskránni var einmitt tilgangur tónleikanna. Hjómsveitin sem lékmeð Kristjönu var öldungis frábær, Silkimjúkur harmóníkuleikur Tatu Kantomaa var unaðslegur á að hlýða og hlýlegur fiðluleikur Hjörleifs valssonar kryddaði tónlistina á sérlega smekklegan hátt. Aðrir hljóðfæraleikarar voru sömuleiðis frábærir og bakrödd Aspar Kristjánsdóttur smellpassaði við söng Kristjönu. Óneitanlega var maður fullur æðruleysis á eftir! Jónas Sen, Morgunblaðið