Ella ddim Beatbocsio neu Rapio yw be’ fydda rhywun yn disgwyl darganfod fel cerddoriaeth ‘home-grown’ yn Dyffryn Nantlle, ond erbyn hyn mae’r rhythmau yn gymaint rhan o fywyd y dyffryn ag y mae o strydoedd dinasoedd Cymru – ond yn Gymraeg. Ers iddo gyrraedd 16 oed mae Dybl-L (aka Llion Rhys) a grwp o’i ffrindiau wedi bod yn cyfansoddi, ysgrifennu ac arbrofi gyda’r miwsig ym mhentre’ Talysarn a thu hwnt. “Yr ysbrydoliaeth mwya’ i mi ddechrau rapio oedd ar ôl clywed albwm The Fugees ‘The Score’ pan o’n i'n ddeg oed, ag ers hynnu dwi ’di bod yn hooked ar guriadau hip hop†meddai.Agorodd hwn y drws i llawer mwy o artistiaid y genre i'w ysbrydoli cyn cymeryd y camau cynta’ i sgwennu caneuon ei hun. “Roedd cerddoriaeth y Wu Tang Clan yn ddylanwad mawr arnai, y curiadau'n ‘raw’ ac yn arbrofol.†Agorwyd llygaid Llion Rhys a newidiodd popeth. Dyma eni Dybl-L.Yn 2002 recordiwyd Dybl-L ei ganeuon cynta’ pan sefydlwyd The Never Miss Crew gydag Artifactz, Elbwff, Lil Rico, Broko-G a gweddill ei ffrindiau. Mae cerddoriaeth yn rhan mawr o fywyd y grwp, a does na’r un diwrnod yn pasio heb gyfansoddi darn o gerddoriaeth neu recordio ryw fath o sain.Ymlaen i 2006 a Dybl-L yn cychwyn gweithio gyda'r cynhyrchydd Broko-G (Gwion o’r grwp Anubis) a creu hip hop Cymraeg. Y gân cyntaf i ddod o’r arbrawf oedd ‘Y Goleuni’ ac wrth ei recordio sylweddolodd bod rapio yn y Gymraeg yn llawer mwy naturiol nag yn y Saesneg. Bellach mae'n canolbwyntio ar cyfansoddi, ysgrifennu a recordio caneuon drwy gyfrwng y famiaith.Gyda 2007 yn prysuro at ei derfyn mae’r amser wedi cyrraedd i Dybl-L rhyddhau ei sengl gyntaf ar label Ciwdod. Bydd “Geshia pwy sy’ nol†ar gael ar cd ag ar vinyl 12 modfedd o Rhagfyr 10fed. Cynhyrchwyd y sengl "bangin" ma gan Mr Phormula a Killah Gorillah.I Emcee,Beatbox,Produce Music & Dj.Be prepared and stay intune.Gwrandawch yn astud.
