Beirdd v. Rapwyr

I'r rhai ohonoch chi sydd ddim yn gwybod beth yw Beirdd v. Rapwyr, mae'n amser deffro...
Mae Beirdd v. Rapwyr yn cyfuno elfennau o ymrysonau talwrn y beirdd, traddodiad byrfyfyr y Calan a Chalennig, gornestau byrfyfyr rapwyr a chydig o gerdd dant.
Be sy'n dod allan y pen arall yw digwyddiad cyffrous - un tim o feirdd, un tim o rapwyr, DJ a Godrapiwr yng nghanol pawb yn cadw trefn.
Mae'n frwydr - does neb yn hoffi colli, ac mae gan y beirdd ac y rapwyr alergedd i golli brwydr.
Mae'r digwyddiad yn dibynnu ar allu'r beirdd i rapio a gallu y rapwyr i farddoni, yn ogystal a medru gwneud be mae nhw fod i 'neud, a'i wneud yn dda. Dim ond un cam-eirio, un fethu beat, un cam rhy bell ac mae'r frwydr drosodd.

Gobeithio bydd ychydig o gigs yn y flwyddyn newydd, 1 yng Ngwynedd ac un arall ger Wrecsam.