Dj Manson

BIO:
DJ MANSON é un mozo dj galego que empeza a sentir inquietudes musicais moi pronto e que queda definitivamente fascinado pola electrónica de baile á idade de 16 anos cando coñece a música techno. Non pecha os seus oídos nin mente a ningún xénero musical e é este eclecticismo o que forxa e define o seu carácter musical, aínda que, como na formación esta a especialización, como dj centra a súa atención no house, traspasando quizais algunhas etiquetas cara ao techno ou o minimal e no nujazz, especialmente de ritmos electrónicos e mestizaxe coa bossa, o jazz ou o funk.
Leva varios anos traballando como dj, aínda que en diversos estilos musicais debido a que ás veces non realizou esta actividade por afección e devoción, senón por necesidade, como unha forma de poder estudar, estudos de enxeñeiro técnico de imaxe e son que hoxe en día continua e que compaxina co seu traballo en empresas como Tesec Audiovisuais, Lyra Sound e Codec Audiovisuais actualmente. Esta peregrinaxe por diferentes cabinas axudoulle a seguir coñecendo e interesándose por xéneros e grupos musicais diferentes, pero tamén é certo que ás veces lle sangraron os oídos con determinada música comercial :-)
Nos últimos tempos conseguiu traballar pinchando o que máis lle satisfai, como é o caso das residencias semanais do pasado verán en Bar Patos (Nigrán), Nglobe Praia Club (Vigo) e O Chiringho (Hío, Cangas) onde puido pinchar nujazz e deep house, ou das residencias ao longo do 2007 no Teclas (Bueu) e Xanela Noctúa (Marín) onde puido pinchar o house, minimal e tech que máis lle motivan.
Participou en numerosas raves do sur de Galiza, como o Festillaza no Val Miñor, en numerosas festas patronais e universitarias, en locais como o Spektra (Vigo), Vogue (Vigo), Strong (Vigo), Otto(Vigo), Fromins(Tui), Niu Port( Baiona), Discoteca Clip(Cangas),Tubul Art (Porriño), Bolina Beach (Tenerife), Appartamento (Tenerife), Bugus (Gondomar), Casa Kike (Gondomar), Liceum (Porriño),Persígueme Rodríguez (Baiona),…. e en todo evento no que lle foi posible montar unha mesa de mezclas, en moitas ocasións de xeito pioneiro, con todas as dificultades que iso leva.
En ocasións actúa cun percusionista, sobre todo con música house, o cal utiliza en directo congas, darbuka, bongos, cencerros,… e dúas baterías electrónicas; Roland Handsonic e a Yamaha DD55. Ten a sorte de estar rodeado de moitos amigos ke comparten o seu amor pola música, polo que tenta moitas veces pinchar con baterías ou con outros instrumentistas porque non limita o traballo do dj á mestura ou a ecualización en solitario.
Recentemente é contratado por Apple e requirido para organizar eventos para dita multinacional, habendo realizado xa dúas con gran éxito de público, con percusionista en directo e ximnastas bailando capoeira.
Creou recentemente con Dj Chusko unha agrupación de Djs formada para realizar eventos musicais de mediana envergadura, nun principio a nivel local pero sen renunciar a acudir onde fose requirido; contrata a realización destes eventos proporcionando os elementos necesarios, como poden ser a contratación de Djs de devandita axencia ou doutro de Dj con máis nome a nivel nacional e internacional, aluguer de equipos, gogos e ata contratacións de grupos de diferentes estilos musicais.
Para rematar dicir que leva uns meses experimentando con varios programas informáticos na tarefa de produción musical, fiel ao seu estilo: de xeito autodidacta e apoiado polos seus amigos, e ten a cabeza e a vontade moi metidas nesta dirección............
MySpace Widgets