Margarinfabrikkin

..Margarinfabrikkin er eitt virkishús fyri børn og ung. Her kunnu tey í tryggum umhvørvi stuttleika sær við nógvum ymiskum ítrivum hvønn gerandisdag.
Vit kunnu millum annað bjóða airhockey, pool, kareoke, fótbóltspæl og ikki færri enn 9 teldur við tí nýggjastu útgerðini, sum er í dag. Vit hava internet og nógv nýggj og góð spøl. Eisini verður skipað fyri túrum, fyrilestrum, diskoteki, konsertum, kafé-kvøldum, filmsdøgum og mongum øðrum spennandi tiltøkum.
Á ovastu hædd havi vit sjey venjingarhølir, sum vit leiga út til ungar tónleikabólkar her í Havnuni.
Tað kostar einki at vera í Margarinfabrikkini, men við at tekna seg sum lim fáa børnini og tey ungu m.a. avsláttur í matskipanini, og foreldrini fáa ymiskt kunningartilfar heim. Limagjaldið fyri eitt hálvt ár er 150 kr.
Margarinfabrikkin er royk- og rúsfrítt umhvørvi.
Upp- og afturlatingartíðir: Mán- frí kl. 11.30-17 (børn frá 3.fl.-7fl.) Mán- hós. kl. 18-22 (ung 14-18 ár)
Er barnið 14 ár og fegin vil ganga í Margarinfabrikkini um dagin, kunnu foreldrini venda sær til starvsfólkini og fáa eitt prát um tað. Treytin er bara tann, at barnið kann ikki bæði ganga um dagin og um kvøldið.
Adressa: Margarinfabrikkin Magnus Heinasonargøta 12 Postsmoga 342 FO-110 Tórshavn
Telefon: Margarinfabrikkin: 30 21 19 Korttelefon: 32 07 12
Hevur tú okkurt at spyrja um, ert tú vælkomin at ringja til okkum.