Chiculate

Comeza a sua andaina polo panorama musical en novembro de 1998, co gallo dunha presentación de grupos noveis en Ferrol.
A primeira semente da actual formación, atopámola na A.F.C. Donas e Galáns de Ferrol, de onde surxiu a necesidade vital de escomenzar o que hoxe é este grupo ferrolán, ainda que, como os seus membros sempre dín, "o encontro podería ser en calquer e inesperado lugar, xa que a idea xa retellaba nos miolos e pensamentos de todos nós".
Na súa orixe e por razóns de traxectoria dos seus creadores, o grupo encadraríamolo nun estilo puramente "tradicional", tanto na natureza dos seus temas coma a instrumentación empregada, ainda que xa nesta primera etapa tratábase de ofrecer un especial tratamento das voces, algo non moi fomentado entre os chamados "cuartetos" ou "quintetos" tradicionais.
O ano 2000 marcará, sen dúbida, un referente na traxectoria conceptual do grupo. O mundo das fusións e demais conceptos reinantes na música, chega a Chiculate da man de novos compoñentes e instrumentacións. Temas tradicionais continuan a ser a base dos seus arranxos pero tratados dende outra innovadora perspectiva, acadando así un estilo moi dinámico e personal.
A partires deste ano e ata a actualidade o grupo estivo en constante evolución. Chiculate bota unha ollada hacia distintos campos musicais e tendencias. Feito salientable é que todos os membros da formación beberon de moi diferentes fontes musicais e estilos diversos, que van dende o "mundo tradicional" ata o new age, rock, pop, heavy, etc.
Presentase como un apaixoante proxecto musical, no que todas as músicas teñen cabida , unha idea que facía tempo xestárase na cabeza dos seus compoñentes, como un desafio personal de agradar coa nosa música.
O resultado final é a presentación dun repertorio aberto e dinámico co que disfrutan todos aqueles que asisten ós seus concertos.
BENVIDOS !!! MyGen Profile Generator