Hits

HITS taldea., orain dela 6 bat urte, Gernika inguruan, jaiotako proiektu baten ondorioa dugu. Asier (bateria), Ioritz (baxua), Oji (ahotsa) eta Gorkak (gitarra) osatzen dute egun taldea.
Egunerokotasunak eragindako ondoezari erantzun bat bilatu nahian, beraien sentipenak musika bidez azaleratzea hautaturik, abesti ilun eta sakonak sortzeari ekin zioten, norbanakoaren aspergarritasun eta ezarrien nahigabean murgildu ordez. Abestiak euskaraz ebaki zituzten hasiera hasieratik. Erosotasun eta erraztasunagatik batez ere.
Dena den bazituzten, hizkuntza aukeratzerakoan arrazoi nabari eta sakonagoak.
Orain lau urte osatu zuten lehen lana “Ezer ez da Ezer”. Taldearen lanetan ezagunak diren gai ilundu eta etsietan erroturiko lana dugu hau. Dena den, garai haietan nu-metala jorratu edo erabiltzen zuten beraien esanen eroale bezala.
Baina denboraren legearen aginduei men eginez, joeraz ( musikaren arderdi estetikoari dagokionez ) aldatzeari ekin zioten. Argi entzun lezake aldaketaren nondik norakoa lehen lana, hots, “ Ezer ez da Ezer” eta berri hau “Argi malkoak/ Ilargi itzaletan”,erkatzeko aukera, edo batez ere, kemena duenak.
Gauzak horrela beraz, oraintsu, Azaroa eta Abendu bitartean, Berrizko Lorentzo Recordsen grabatu dute hain neketsua gertatu den bigarren lana “ARGI MALKOAK / ILARGI ITZALETAN”; Aitor Ariñoren aholkupean. CD honetan musika anbientalago zentzu batean gozatsuagoa egin dutelarik. Tool, Muse edota Dredg bezalako taldeen eragina edo antzekotasunak erraz aurki ditzakezuelarik lan berri honetan.
Orain beraien musika zuzenean jotzeko gogoz, eszenatoki bila dabiltza euren musika ezagutzera eman eta oholtza aurrera urreratzen diren arima errariei, euren arima ubelduaren sentipen mingotsen negarrak elarazteko prest.
Le Duc Noir
Harremanak: Asier (677093376) Gorka (645720276)