MANTISA

Mantisa taldea 2005. urtean sortu zen, Iosu (Ahotsa eta Gitarra), Igor (Bajua) eta Ganix (Gitarra eta Ahotsa) izan zirelarik taldea sortu zutenak. Dena den, 2005. udaberrian hasi ziren bete betean Raul (Bateria) taldean sartu zenean. 2007. Uztailean Igorrek taldea uztea erabakitzen du eta Iñigo Azkue (Harlore) hasten da taldean baxujole moduan. Sei kantu biltzen dituen maketa grabatu dute heuren kabuz eta kontzertu ugari eman dituzte Euskal Herrian zehar, baita Zaragoza eta Katalunian ere. Beraien influentziak hainbat estilotakoak izan arren, guztiak Rockaren eta gehien bat Hard Core melodikoaren inguruan zentratzen dira batipat. Taldearen izena termino matematiko baten esanahietik jaso dute. Mantisa funtzioa (mant(x) = x - [x]) zenbaki erreal baten parte dezimala da. Mantisak beraz, emaitza positiboak ditu beti. Taldeko kideen helburua musika eginaz beraien bizitzei zerbait positiboa geitzea denez, izen hau jartzea erabaki zuten.