Canard

Hvlwe Mahat ofv ehketv ocan likatet Yakcetv Omvlecat em vpette elecvnfekhonne tares. 2 Cehofvn opunvyecit, Emet vm vrvnaketvt, momet vn cuko-hvlwe yekcet omet, vn Hesaketvmese em enhonrvyat omes, makares. 3 Emet senkvnhetv este-fayvt etetakuecvte enkvpvken ce hesayecet, enanokketv sete sumecicat enkvpvken ce hesayecvret ok. 4 E tvrpv en tafvn es ec ohranen, eme e tvrpv elecvn ehketvt cen heckvres: em mehenwetvt cen hokpe-svrvnv-kvt, momet es cem evrvnvkvt omvres. 5 Nakpenkvleckvt nere ocan, monkat eccv-kotakse en re nettvn tvmkan em penkvlekot, 6 Enanokketv yekce yomuckofvn yvkapan, monkat naksumecickv fvccvlikat yvmahkuecan em penkvletske-kares. 7 Cukpe-rakko hvmket cem vtvkhvken pvlatken, cukpe-rakko palet cem vkvpervn pvlatket o estomis, ece'wolice-kares. 8 Heyv tvlken, ce turwvn es vfvnnaket, holwvyecvlke es em feketvn hecetskvres. 9 Cehofv toyetskat, cemet vm vrvnaketv toyetskekv! Hvlwe Mahan cen liketvn hayetskvtet omecicen, 10 Mak holwakat ec oh lvtkekares; momen enanokketv yekcat cem escukohakvn vwolicehares. 11 Ec ohfvccvn em encelvlken yekcetvn es em punayvkvres, cem vyetv omvlkv ofvn ece'cayecvkvren. 12 E'nketaken es ce kvwapet,'sec vpeyvres, cvton ce'len es oh nafketskekaren. 13 Este-papv momen cetto atv kicetvn oh yvkapets-kvres; este papv mvnette momen cetto-rakkon es oh hueretskvres. 14 Em vnokeckvn a'mvtet ok, monkv hesayecares; hvlwen likvren hayares, cv hocefkvn kerret ok. 15 Vc ohhuehkvres, momen em vyoposkares; estemer-ketv ofvn vpakares: hesayecit, vrakketvn emares. 16 Hesaketv cvpken es cvporicares, momet vn hesayeckvn hecicares.ESVKVSVMKV 91Read it...I SAID READ IT!!!