Birdcage

Leikfélag Fjölbrautaskólans í Garðabæ í samstarfi við NFFG setur í ár upp söngleikinn BIRDCAGE eftir Hrefnu Þórarinsdóttur. Hrefna leikstýrir einnig söngleiknum ásamt Ástu Maríu Harðardóttur, en báðar eru þær fyrrum nemendur skólans.Söngleikurinn er byggður á kvikmyndinni The Birdcage sem meðal annars skartaði stjörnum á borð við Robin Williams og Nathan Lane í aðalhlutverkum.Sýningin fjallar um parið Armand og Starínu sem reka drag-og-gay staðinn Birdcage. Armand er rekstrarstjóri staðarins en Starína er aðalskemmtilkrafturinn og kemur iðulega fram í dragi. Þegar sonur Armands ber honum fregnir af væntanlegu brúðkaupi sínu neyðist hann til að taka ákvarðanir sem hann bjóst ekki við að þurfa að taka..nokkurntímann. Í atburðarásina fléttast starfsmenn staðarins, spænsk/þýsk/íslenskur einkaþjónn, Presturinn Gunnar, frú hans og dóttir, fréttamenn, dragdrottningar,dramadrottningar, töframenn,trúðar og ýmsar aðrar furðuverur. Frumsýnt er 21.febrúar í Urðarbrunni, sal FG, en almennar sýningar verða auglýstar síðar. Fylgist með og látið ekki þessa stórskemmtulegu og spennandi sýningu fram hjá ykkur fara.

Background from Yahoo search result