Marcos Campos

MyWackoSpace MySpace Layouts MySpace Graphics MySpace Icons Contact Tables
How I made my profile:
I used MyWackoSpace.com 's amazing MySpace Editor . Nacín en Vigo (Pontevedra) o día 8 de maio de 1976. Non lembro con exactitude si era martes ou era sábado, máis que nada porque é unha época da que só lembro algúns garabatos que retouzan na miña memoria nalgúns momentos especiais.O que sí lembro é esa curiosidade incipiente, ese arrepío que tan a miúdo experimentaba cando, moi pequeno, achegábame aos músicos que, con Benigno, meu pai, tocaban naquelas tardes de fin de semana. Nenos e maiores compartindo música, contribuíndo ao canto da gaita -raiña indiscutible dos sentimentos estralantes- con mans, cunchas, botellas, pes e pandeiretas, tamboril e bombo, acompañaron aos meus soños de infancia. Así foi como escomenzou todo.No 1984 o mestre gaiteiro Xaime Estévez ensinoume a toca-la gaita no Conservatorio Superior de Música de Vigo, onde anos máis tarde rematei os estudios elementais de gaita de man de Carlos Núñez. No 1986 a Banda de Gaitas Xarabal comenzou a ocupa-los meus seráns de sábado e deu inicio a unha experiencia continua na que Antón Corral, o sempre afable mestre artesán que nunca escatimou paternais coidados como director, titor, confesor e eterno amigo dos seus fieis, inculcou en min ese amor íntimo e respetuoso que un músico sinte cara o seu instrumento e a súa música, o agarimo, a curiosidade, a afinación, o tempero, e, por riba de todo, a dignidade e a honra de ser gaiteiro.Gaiteiros como Carlos Núñez, Anxo Pintos, Xosé Manuel Budiño ou Anxo Lorenzo, os artesáns Oli Xiráldez ou Xosé Manuel Gil (www.gaitasgil.com), por nomear algúns dos muitos , compartiron comigo esta experiencia representando a Galicia en gran parte da xeografía española e europea, onde hai que destacar o Festival Intercético de Lorient, e o Festival Cantigas do Maio en Seixal (Lisboa).Dende esas datas a miña vinculación ao Obradoiro de “Instrumentos Musicais Populares Galegos” permíteme formarme como artesán constructor de gaitas, seguir perfeccionando a técnica de afinación e tempero para gaita galega baixo a tutela dos mestres Antón e Carlos Corral, formando parte durante varios anos do Grupo Didáctico-musical da Universidade Popular de Vigo onde tocaba requinta, gaita e acordeón. tamén cursei neste centro dous anos de Zanfona co mestre Antón Corral. Alí asistín aos cursiños de gaita escocesa impartidos polos internacionalmente coñecidos Fred Morrison e Patrick Molard e participei en diversos concursos de gaiteiros, acadando sempre as mellores clasificacións, entre as que cabe destacar o Trofeo Macallan para gaiteiros solistas Galicia sur 1995, obtendo a 1ª clasificación, Concurso Rexional de Gaitas de Ponteareas 1993, 1994 e 1995, obtendo a 2ª clasificación.Formei parte dos grupos “Trisquel”, “Ardentía”, da agrupación “Lembranzas Galegas”, do grupo “Blanco”, de "Alberto Conde Grupo”, de "Opentunning", de “Babel”, de "Crema de Gaita", e de "Chimpanapalla", entre outros. Teño colaborado tamén co lexendario grupo “The Chieftains”, a agrupación musical “Harmonía”, actuando como solista invitado na execución de obras do compositor e amigo Ernesto Campos (www.ernestocampos.miarroba.com), con Nacho Cano no seu último traballo homónimo, no Musical “Duas Beiras” coa cantante galego-arxentina Lorena Lores, e tamén co pianista de jazz Alberto Conde (www.albertoconde.com) en "Sonidos de Bitácora", concerto para guitarra e orquestra que o pianista compuxo para Tomás Camacho, e que executan a Orquesta sinfónica da Escola de Música de Viana do Castelo e a OrquestaTamén teño exercido como profesor de gaita no Conservatorio “Mayeusis “de Pontevedra, e na actualidade na Casa Cultural de Areas (Ponteareas). Como profesor especialista teño impartido cursiños no Conservatorio Superior de Música de Vigo (afinación, tempero e empalletado) e na Escola de Música Tradicional de León (Ayuntamiento de León), entre outros. Ao longo destes anos, e con diversas agrupación, teño representado a Galicia en máis de 100 festivais de todo o mundo. Entre outros: - En 1993. Zielona Góra Children Folk Festival. Polonia. Con Lembranzas Galegas.- En 1991,1998 e 2000.Festival Intercéltico de Lorient. Francia. Primeiro con Xarabal, despois con Alberto Conde Grupo, e o último con The Chieftains (artista invitado), e a Orquesta Sinfónica do Festival de Lorient.- En 1993, Festival Internacional do Pirineo. Jaca. Con Lembranzas Galegas.- En 1994, Festival Internacional de Folklore de Dijon, con Lembranzas Galegas.- En 1994, Festas da Orotava, (Tenerife)- En 1999, Mostra de Jóvens instrumentistas de Évora e Plasencia, con Xarabal.- En 2005 e 2006, Xira “A Roda” en Lanzarote e Venezuela.Na actualidade traballo co meu grupo de orixe “Crema de Gaita” actividade que compaxino tamén co ensino e con diversas colaboracións con diferentes músicos e estilos.DISCOGRAFÍA:• Instrumentos Musicais Populares Galegos. Gravado na CBS de Lisboa en 1987. Sonifolk. • 1º Disco da banda Xarabal. Gravado nos estudios Sonyarte de Vigo en 1993. • Ardentía. 1º Traballo deste grupo Gravado nos estudios Sonyarte de Vigo en 1995. Edicións Do Cumio. • Crema de gaita, “Para brincar no rueiro”. Gravado nos estudios Sonyarte de Vigo en 1995. Edicións Do Cumio. • Fiadeiro, “Para cantar como eu canto”. Gravado nos estudios Sonyarte de Vigo no ano 1995. Edicións Do Cumio. • “Inverno”, Antigas “voces ceibes” galegas. Gravado nos estudios Sonyarte de Vigo no ano 1995. Edicións Do Cumio. • Banda de Gaitas Ancoradoiro. “Sui Generis”. Gravado nos estudios Sonyarte de Vigo en 1998. Edicións Do Cumio. • Salterium, “Aí queda iso”. Gravado nos estudios Élite de Vigo en 1998. Edicións “Trebón”. • Blanco, “Agua para vivir”. Fonomusic 1998. • Alberto Conde Grupo, “Celtrópolis”. Gravado nos estudios Dubbing Hispania de Madrid en 1999. CLAVE Records. • El Consorcio, “Las canciones de mi vida”. Sony Music. 2000 • Baccara, “Face to Face”. Gravado nos estudios ASHRAM de Madrid no 2000, Arcade Music España. • Ska-P, “Planeta Eskoria”. Gravado nos estudios Red Led. Madrid. 2000. BMG Ariola España. • Blanco, “Sueñas con la Luna”. Gravado nos estudios ASHRAM de Madrid entre Agosto e Octubre do 2000.Bat Discos S.A. • Nacho Cano, "Nacho Cano" Gravado en Galicia, Nueva York, Londres e Madrid en 2002. NOCONTROLES S.L. • Ardentía "Retellando", Gravado nos estudios Sonyarte de Vigo en 2002. Edicións Do Cumio. • Lorena Lores, “Dúas Beiras”, gravado no estudio Casa de Tolos en Nigrán en 2006. • Crema de Gaita, “Tangalego”, gravado nos estudios Sonyarte de Vigo en 2006. Ouvirmos.Más en:http://juanluna.wordpress.com/