Seltjarnarnes

Ég er Seltjarnarnes. Ég er smábær í höfuðborginni þar sem allir þekkja alla. Sjálfsstæðisflokkurinn hefur alltaf stjórnað mér en það skiptir engu máli þar sem ég er svo fullkomið bæjarfélag að ég rek mig eiginlega sjálft. Ég á meira að segja mína eigin hitaveitu. Annars rek ég tvo skóla - Való og Mýró - fyrir utan tónlistarskólann, barnaheimilin, róluvellina og elliheimilið. Ég er meira að segja með vistheimilið Bjarg á mínum snærum. Bæjarstjórinn minn heitir Jónmundur Guðmarsson og er ágætis náungi. Það er fullt af frægu fólki sem býr í bænum mínum og alls kyns snillingar hafa komið héðan. Á næstunni mun ég heiðra þetta fólk sérstaklega. Íþróttafélagið mitt er Grótta þótt ég beri líka sterkar tilfinningar til KR - sérstaklega þegar kemur að knattspyrnu.