Trosma

I'd like to meet:

Myspace Layouts at Pimp-My-Profile.com / Redneck Layout

Sergio Zearreta naceu en Amorebieta. Esta tendencia poético-ripiosa inicial mudou ó longo dos anos ata convertelo en actor de variados rexistros, músico e mesmo cantante en formacións de éxito: actualmente é, ademáis de actor e profesor de teatro, o vocalista de Lamatumba, circunstancia que o fai atesourar un coñecemento das estradas galaicas que para si quixeran as patrullas todas da Garda Civil de Tráfico. Pero antes (non moito, porque é novo) empezou a teatrear no grupo Sardiña, canteira dos mellores actores coruñeses, seguiu formándose en Ourense na universitaria compañía Maricastaña baixo dirección de Fernando Dacosta (ó tempo que insistía en matricularse nalgunha escola universitaria que xa nin lembra), levou ás táboas unha fermosa versión monologada do “Noveccento” de Baricco e participou en varias montaxes de Matarile teatro nas que demostrou que, se fai falta danzar, tamén danza e, ademáis, con xeito. Aínda que non queira recoñecelo e non apareza nos seus currículums públicos, oficiou de pallaso Patatán e botou unha temporada metido nos bares enmascarado co naris vermello, repetindo e reinventando palabras de Erik Cachuzo, que vén sendo unha outra máscara de Rubén Ruibal. R. Ruibal