Colectivo BERRA

A asociación BERRA VAL MIÑOR naceu no inverno do 2007 froito da falta de actividades culturais e de ocio para a mocidade na nosa zona, unha mocidade que non pecha portas senón que abre os brazos a xente de tódalas idades con ganas de pasar un bo rato, interactuar e aprender xuntos.Queremos reivindicar outras expresións artísticas lonxe do concepto de “arte” que nos venden os grandes medios de comunicación alienantes. Arte da rúa, que nace no corazón, nos barrios, nas aldeas ou nos parques.Pretendemos ofrecer un espacio onde disfrutar do traballo de artistas tanto de aquí coma do outro lado do planeta, un lugar que faga disfrutar e participar a tod@s, un minifundio cultivador de festa e de conciencia.Con esa premisa e cargados de ilusión comezamos esta aventura que nos regalou risas, suores, nervios, noites sen durmir, alegrías, decepcións pero, sobre tódalas cousas, a satisfacción de traballar por algo que sentimos necesario. Foron meses de moitos plans entre birra e birra nos nosos múltiples locais de reunión (vexase Marrucho, Bar Patos ou calquera tasca do “pueblo”), con certa tranquilidade ao principio e cun sprint final repleto de traballo, suor e longas facturas telefónicas.Somos conscientes de que non gañaremos ese sprint porque non existe a meta, pero aquí estamos, pedaleando, e sexa como sexa iremos elevando as nosas voces ata berrar e conseguir que todo o Val se una ó noso berro. Así que xa sabes amig@... BERRA!!!
Myspace EditorSE QUERES INFORMACIÓN PARA FARCETE SOCIO ENVIANOS UN EMAIL A: [email protected] E TERÁS DESCONTOS EN TÓDOLOS EVENTOS QUE ORGANICEMOS.
Contact Box Generated from Pimp tu Web