Torrau a domu concu Peppi Sida,
chi fut arendi in d'una terra atesu,
agattat uan pingiada 'e fà buddida
e ndi pappat ses prattus e un mesu.
Si nci buffat de iun dus cungiauis
e aici torrau un pagu a logu,
si scruzzat,si ndi tirat is stivaius
e si strumpat a longu a brenti a fogu.
Sa fà , cuddu iun, su calori,
cun s'estibeddi chi portada asuba,
i ddi point in corpus un abbruxiori
chi ddu fait unfrai che uà n cuba;
E zunchiendi e cun sori a rius,
narat a sa pobidda: Un momenteddu
"affacca s'enna e podera is pippius
Arrosedda,ca ghettu un troddieddu".
Inci lassad andai sa pidola
cun violenzia e faid unu sciarroccu
e inci strumpada su pegus de mola
e sa cadena a segau su procu.
Zia Arrosedda "cessu it arrori
ca is puddas minci has iscaddiau
comenti e candu si etta su stori
bolendi in scrobettura de bixinau.
Cuncu Peppi tostau de s'arrisu
depustis s'è dormiu pozzu nai
tottu sciolendi is maus fendu un isu
chi si bisada torrendu a pappai.
Ma concu Peppi è troppu troddioi
ma concu Peppi è troppu mau a prèi
depustis chi si sà zzada che un boi
ghetad is pidolas senza e lei.
Felice Cau, SU SEDDORESU
Su burriccu chi tenet su rettore
non meritat sa fama de molente,
est a corrinos che un accidente,
invidio su sou bonumore.
Cantende in su manzanu in la maggiore
no est nudda a su mere differente,
parent bessidos de tott'una brente
differenziant solu in su colore.
Tott'un'idea e differente lana:
unu a sa mola, s'atteru a sa missa.
In ue b'hat paghe ponent avvolottu,
ma si su pegus giughiat suttana
piùs de una tabaccona priorissa
diad'a narrer:"Custu si ch'est dottu!".
Peppino Mereu, SU CANARINU DE SU RETTORE
www.myspaceeditor.it