MA VOè CHE VE SBORA FIOI?! OHIIII!! SO DRIO EAVORAR SUEA PAGINA NOVA..

FIOI TANTA GENTE ME GHA DITTO CHE NO SE SENTE I FILE AUDIO sul me maispeis..SE USE' MOSILLA FAIERFOX GAVE' DA SCARICAR STO PROGRAMMA CHE VE FA SCOLTAR I TOCCHI!!

Clica qua per scaricar el plugin

THE SENS’ALTRO PHILOSOPHY

Nialtri Venexiani no semo gente facilmente raggirabile- xe perchè nialtri nea nostra repubblica dei passarini gavemo un special enzima che ne consente de vardar più lucidamente de staltre popoeassion (sardi, jesolani, bellunesi, valdostani, cappeonghe..) a fatti, cose, persone e perfin situassion. Nialtri ne vien i penotti quando qualchidun, par exempio, vol torne pal cesto. Ghizzbò! Andemo proprio via coi sarvei! Però tuti i venexians sa che prima de tacar a cryar robe a un altro fio, el gha da averne completamente devastà i coioni- perchè gavemo ea SENS’ALTRO philosophy.
SENS’ALTRO.
Nialtri Venexiani semo gente NATA per ea interassion. Da quando che Pertini gha inventà ea radio, ogni giorno ghe cantemo sora (altro che Karaoke!) inventandose e paroe, anca in inglese tipo Awaraganawa, Stekenowei, People from Ibissa, ecc. Coea tivù, pò, nianca a dirlo, l’interassion se fa anca pezo, perchè magari te vien fora ea faccia de qualche poitico, e che i parla, parla, parla, co sti musi de merda, e ti sa che i xe drio dir cagae, e ora ti ghe rispondi- SENS’ALTRO!
El SENS’ALTRO se pol applicar su tutte e cose dea vita- perchè fondamentalmente gha un messaggio in apparensa positivo- come dir “certamente”. Nialtri a Venexia, tra i banchi dea frutta e il porsc in Piassa Roma, eo usemo come dir “No credo che sta roba me vada ben, ma no me ne ciava nianca na benemerita sborada, quindi ti ti fa quel casso che ti vol, te vegno in bueo”. Raramente qualchiduni se offende se quando che i gha finio de parlar ti ghe disi SENS’ALTRO- perchè a nialtri no ne ciava un casso de nissuni in ogni caso e no gavemo mai bisogno de l’aiuto de staltri. Dir SENS’ALTRO alla fine de ogni frase ditta, pensada o sentia, ne fa anca mantegnir i pie saldamente legati aea realtà, e sensa ombra de dubbio che in questa società dove che tutti semo tipo igai in maniera morbosa a cagae che in realtà no serve a un casso (esempio tipico- el Motorola) xe de sicuro un ottimo esercissio mental de depurassion dee tube dei sarvei. El SENS’ALTRO xe anca un ottima maniera per incentivar qualchiduni a dimostrarne che ea nostra Weltanschaung (Vision Del Mondo) xe sbaiada. Come dir “Tesboro, gha da esser che ti ghe riessi- dimostrimeo, io Strassinamorti!”. Altri usi comuni del SENS’ALTRO xe anca come elemento per sottolineare, intercalare, esortare, sminuire, contestare, sottolineare o anca soeo per intercalare, esortare, ghesboro, passarini, sfogi, go...
Ecco, per chi vien da de a del ponte ma no da Vial San Marco (i xe tutti Venexiani!) o Quartiere Pertini o Carpeneo (quasi tutti Venetians), una serie de esempi su strada de come usar el SENS’ALTRO:
-Vabon, vecio, ghesboro, se vedemo eora. Te vegno tor al Coca dopo ea lampada?!
-Siii...SENS’ALTRO! Gho da ndar casa prima, che me mare gha portà el giacchetton in puitura, cheghesboro, che so drio batter brocche.
(in questo caso, el SENS’ALTRO altri no xe che un CHE TA SBORO sotto mentite spoglie).
Altro esempio:
-(radio)...Il Presidente della Repubblica Cacciari ha inoltre assicurato che i Venexiani non dovranno più pagare i costi di internet per scaricare...(ecc ecc).
-SENS’ALTROOOO!!!
(un SENS’ALTRO che tradisse sconcerto, incredulità e na ponta de sarcasmo).
Altro:
-(da Rosa Salva)...Arrivo subito col cappuccio..Scusime ma stamatina semo pieni...
-Eh, si, si, gho visto.. (quasi in sordina) SENS’ALTRO.
Last:
-Eora, el Maci gha ditto che el va a Cortina coi fioi dea capanna.
-SENS’ALTRO.
(in questo caso, el SENS’ALTRO significa anca TE PAR! Ovverosia CHE SQUAAIDO! E anca QUEI QUATTRO GASAI DE RECCIONI DEL LIDO!).
CONSIGLIO PERSONALE.
Ea maniera miglior par capir ea SENS’ALTRO PHILOSOPHY xe ovviamente de metterla in pratica, e ve incorzeré che se applica veramente a ogni frase che sentiré, volto che vardaré e ghe sboro al karaté.

SENS’ALTRO!