kerkennai

O grupo de música Folk KÉRKENNAI fórmase no ano 1999 na Baixa Límia Ourensá nun intento de canalizar as inquedanzas musicais de Pepe Quintas e Sindo Otero, e servir como impulsor no eido cultural Limián.Toma o seu nome do asentamento romano de "AQUAE QUERQENNAE".Despois de acadar unha formación estable, comezan a ofrecer concertos por toda Galicia.En Maio de 2001, gravan unha maqueta nos estudios da Radio Galega en Compostela, coa que se dan a coñecer. En 2003, gravan o seu primeiro disco, editado pola compañía Zouma Records, titulado "Vía nova", en homenaxe á vía romana que cruzaba a antiga Gallaecia atravesando a Limia. Con este dísco deron a coñecer a súa música xa fora das nosas fronteiras: Andalucía, Castela, Portugal...A comezos de 2007, gravan o seu segundo disco, "Nas beiras de Lethes", nome orixinario do río Limia, tamén coñecido polo nome de "Río do esquecemento".