X-IT Oqaluttuassartaat:
1998-mi aallartisarpungut taamanikkut Henrik, Niels kisimik inuttaallutik. Taava 1999-mi Thue atuarunnaarami (atuarfimmiik anisitaangami) ilannguppoq Bassertuulluni, aallaqqaammut nuannaartorisagut Metallica, Siissisoq allarpassuillu ilaaginnarlugit nipilersortarpugut.
2001-ip missaani aatsaat pingasuulluta sananiaaluttalerpugut tassanilu aamma aatsaat atissarput nassaarivarput, siullerlu nammineerluta sanaarput "Qernertoq" 2002-mi upernaakkut immiupparput Kangersuatsiarmiut vol 2-mi ilaasussaagaluaq tassanilu Thue Kitaarertunngorpoq Henrik Bassertunngorluni Hans-Peter Svendsen-ilu (Erneeraq) kitaarertumut aappanngorluni.
Taava unikaallaamivungut 2003-miik 2004 tungaanut imannarsuaq susoqanngilaq.
2005-mi Thue kisimiilluni sananiaaluttalerpoq, aallaqqaammut sanaavi narrugineqartaraluarlutik naggataatigut iluatsiimisukassaavoq. 2005-mi aasakkut Kangersuatsiaq Musik Festival-imi siullerpaamik X-IT-ulluta tusarnaartitsivungut (Kangersuatsiami nipilersortartut peqatigiiffiata "Qilaat"-ip aaqqissuussaa) Taamanikkut Jens Peter Løvstrøm erinarsortunngorpoq, ajoraluartumilli sivikitsuinnarmik atavoq.
2006 Avannaata Appisimaarfiani Ilulissani ingerlanneqartumi aamma peqataavungut, taamanikkut Erneeqqap arsarluni niuni napinikuullungu ilaanngitsoq Hans-Peter Athonsen-ip paarlappaa. Ilulissanut apuunniarnerput nunatsinnullu angerlarniarnerput ilungersunalaaraluarlutik tamaat ataatsimut isigalungu ajunngeqaaq.
2006-mi ukiassakkut Upernaviup "Haalia" atoqqaarfissiorneqarmat aamma nipilersorpungut, taamanikkut Erneeraq ilaasinnaanngimmat Jens-Jørgen Anthonsen risaavitut kitaarertuuvoq. 2006-milu Juullilersoq Nukarleq Knudsen erinarsortunngorpoq, Upernavimmilu ilinniartuunini peqqutingalungu aamma ajoraluartumik sivikitsuinnarmik atalluni.
2007-mi Aasakkut Kangersuatsiami nipilersortartut peqatigiiffiata "Qilaat"-ip aappassaaneerluni aaqqissuussaanik tikisitsilluni Kangersuatsiaminngaanneersunillu nipilersortitsimmat tusarnaartitsivungut tamatumuunakkut Ilannguaq Immanuelsen erinarsortuulluni.
2007-mi aasakkut Demo-liangut arfineq pingasut Atlantic-imut tusartikkusullungit nassiuppangut, qaammallu ataaseq qaangiutinngitsoq sianerfigineqarpungut immiukkusunneqarluta:-)2007-milu ukiakkut Naalu Festival-imi Upv-mi ingerlanneqartumi peqataavungut kiisami tamatumuunakkut Original-iulluta.
Tamatuma kinguninngua Erneeraq X-IT-niik tunuarpoq Hans-Peter Anthonsen-ilu Kitaarertumut aappanngorpoq.
2007-lu Juullilersoq erinarsortoq aapperneqarpoq Emil Geisler Upernavimmioq erinarsortumut aappanngormat...18 Januar Danmark-imut immiussiartorluta aallarpungut 28 Januar-lu Danmark-imut apuulluta. 30 Januar-miik immiussilerpungut Imerajuk ulloq taanna nipilersorneri immiuteriarlungit ulloq taanna aamma Musik Video-liorparput (Christian Elsner-mit Frederik Elsner-imillu suliilarineqartoq), pikkunaaloqaaq taama immiukkatsingu. Taava normut sinneri ullormut 3-4 Tiimertarluta Februar-ip 10-ata tungaanut immiuppangut Immiussisartoq pikkorissorsuaq Mik S Christensen immiussisoralugu Hans Rosenberg-ilu trommillammassuaq Tromminut "teknikeriulluni"
Danmark-imut immiussiartornermi inuttaapput:
Thue Svendsen, Niels Svendsen, Hans Peter Anthonsen
Immiussarpullu Marts-ip 25-ani saqqummertussatut naatsorsuutigineqarpoq..Apeqqutissaqaruit aperiinnariannguarit...X-IT............................We are metal band, who come from little village called Kangersuatsiaq in Greenland. We..ve just record our first album, and it..ll be released at the end of march.
You can hear two tracks we record.
If you have any questions, please ask!!! real editor best profile tools real editor best profile tools
How I made my profile:
I used Dave & Jay's amazing myspace editor . You can also watch our music video at youtube:
