241866056

. Eg vildi ynskt at eg hevði valdið í tíðini . Kundi steðga henni, snara hana aftur og uppliva tær góðu løturnar umaftur, ið fyrr hava verði . Møtt fólki aftur, ið eg bert hevði tað gleði at hitta eina stutta stund av lívsleið míni og hitt fólk , ið eru farin frá hesu fold inn í ævinleikan . Ein stað har tíðin ongan enda hevur . Eg hevði gjørt nógv ting betri ! Tagt har eg segði ov nógv og nógv ting hevði eg ikki gjørt, sum eg havi gjørt . Men hvat nyttar tað at sita og droyma soleiðis ? Eg fái ikki steðga tíðini .. Eg kann steðga klokkuni hjá mær, men tíðin, hon bara fer . Dagurin í gjár kemur ongantíð aftur, og hvussu brúkti eg hann ? .. Brúkti eg hann soleiðis, at hann gav mær, gudi og øðrum gleði ? Tað einasta eg kann gera er at vekja minnuni uppaftur og liva dagin í dag fyri Jesus, tí tað gevur sanna gleði . Ikki sum heimsins gleði, men sannan frið ! Og so ein dag kemur Jesus aftur úr skíðnum og tekur øll tey sum trúgva á hann upp til sín . Tá skal eg vera við . Tá fara hesir tankarnir um tíðina ikki at níva meg meira, tí tá er eingin endi á tíðini . Ein dagur verður sum 1000 ár og 1000 ár sum ein dagur . Åhh hvør sæl ein stud verður tá !