Groseko gazte asanblada auzoko hainbat talderekin bildu ostean argi ikusi du auzoko talde guztiek arazo berbera dutela, hau da, entsegu lokalena. Grosen ezin da entsaiatu, eta urrutira joan behar dugu, gehienetan izugarrizko dirutza ordainduz.
Kultur etxearekin bildu ginen eta hauek argi esan ziguten udaletxearengana jo behar genuela. Eta udaletxeak zer eskaintzen digu arazo honen aurrean??? EZER ERE EZ!!!
Horregatik sinadura bilketa bat jarri dugu martxan, ekainaren 30 arte udaletxeari bidaltzeko.
auzoko talde guztiak batzen bagera lortuko dugu udaletxearekin biltzea, eta gazteon sorkuntzari bultzada bat ematea.
BERAZ BADAKIZU SINATU ETA ZABALDU EZAZU!
How I made my profile:
I used Dave & Jay's amazing myspace layout editor .SINADURA BILKETEN TESTUA:
Groseko Gazte Asanbladak, Groseko musika taldeek eta orokorrean Groseko gazteok honako hau eskatzen diogu Donostiako kultur sailari eta orokorrean Donostiako udaletxeari: Grosen, musika talde ugari daude, auzoan entsegu lokalik ez dutenak eta gainera, auzoko kultur etxeak ez du honen inguruko inolako eskaintzarik. Badago, Donostian horretan espezializatua dagoen kultur etxea, Egiakoa alegia, baina ez ditu inondik inora Donostiak arlo honetan dituen beharrak asetzen, talde askok bertan lekurik ez baitute, eskeinitako plaza kopurua nahiko murritza baita. Guk, Donostiako kultur sailari eta honen ardura duen udaletxeari doako entsegu lokalak eskatzen dizkiegu, finean, hauen ardura baita Donostiari eta zehazki gure auzoa den Grosi eta bertan dauden kultur eragileei beharrezkoak dituzten kultura baliabidek bermatzea. Horregatik, eta oraingoan musika arloan zentratuz, musika taldeak kultura sortzaileak diren heinean, hauen beharrak asetuko dituzten entsegu lokalen eskaintza bermatu beharko zenuketela iruditzen zaigu. Horretarako, Okendo kultur etxean lekurik ez dagoela jakinda, beraiekin bildu ondoren hori helarazi zigutelako, beste guneren baten eraikuntza beharrezkoa ikusten dugu edo gaur egun, saila honek eta udaletxeak kultura sormena bultzatuko duen tabakaleraren proiektua abian jarri duenez, berau kontenplatzea, musika taldeei entsegu lokalak eskaintzeko aukera bezala eta arazo honi irtenbidea emateko erabili dezazuela. Azkenik, eta amaitzeko, eskutitzaren bitarteko komunikazioa oso inpertsonala iruditzen zaigunez, zuekin bilera bat egitea eskatzen dizuegu, bai Groseko Gazte Asanblada, bai musika taldeok eta bai orokorrean, auzoko gazteok.
