Taldea 1999an sortu zen Arrigorriagako (Bizkaia) bi talderen banaketaren ondoren. Hurrengo urtean lehenengo maketa grabatu genuen Carlos Kreatorekin, Euskadi Gazteako IX. maketa leihaketan finalistak eta Basauriko maketa leihaketan bigarrenak izan ginen.2002. urtearen hasieran taldean lehen aldaketa eman zen; Ostots eta HCH taldeetan ibilitako Juanjok, Raul Iglesias gitarristaren lekua hartu zuen. Handik gutxira, bigarren maketa grabatu eta Euskadi Gazteako XI. maketa leihaketan entzuleen saria lortu genuen. Maketa honekin Gara egunkariak argitaratutako hamar maketako bilduma batean parte hartu genuen, ale kopuru haundia salduz.2003. urtean hirugarren maketa grabatu genuen, oraingoan gure lokalean. Uda partean azkenengo aldaketa eman zen; Polutok taldea utzi zuen eta berak utzitako lekua Gorkak hartu zuen (aurretik Juanjorekin HCH taldean ibilitakoa).2004 urtearen hasieran Bilbon lehen aldiz ospatzen zen Emergenza leihaketara aurkeztu ginen, bigarren postua lortuz. Bestalde, San Inazioko (Bilbo) maketa leihaketa irabazi genuen eta Bilbovision telebista kateak antolatutako lehiaketan azkeneko txandara ailegatu ginen.2004ko Abendua eta 2005eko urtarrila bitartean Arrasateko Shot! estudioan gure lehen diska grabatu genuen. Grabaketarako Fjord taldeko Iban eta Juanitoren laguntza izan genuen, azke honek "Nortasun Berekoia" abestian kantatzen zuelarik. Diska Gaztelupeko Hotsak disketxearen eskutik 2005eko Irailean plazaratu zen.Negua eta udaberrian Euskal Herrian zehar lehenengo diskaren aurkezpen bira bat egin ondoren, 2006ko maiatza aldera gure bigarren lanerako kantak prestatzen hasi ginen. Grabaketa Iraila eta Urria bitartean luzatu zen Bilboko Baga-Biga estudioan, eta diska Azaroan kaleratu zen, Baga-Biga disketxearen eskutik.
