Vaka

Vaka er félag lýðræðissinnaðra stúdenta við Háskóla Íslands. Vaka var stofnuð 4. febrúar árið 1935 og hefur félagið verið starfandi allar götur síðan þá. Grunnstefið í stefnu Vöku þann tíma sem félagið hefur verið starfandi hefur hins vegar verið að hlutverk Stúdentaráðs Háskóla Íslands eigi fyrst og fremst að vera að gæta hagsmuna stúdenta. Félagið telur ekki að ráðinu eigi að vera beitt í pólitískum deiluefnum, heldur eigi að nýta krafta þess í þau fjölmörgu mál sem beinlínis varða stúdenta. Málefnaleg umræða um stjórnmál innan Háskólans er þó alltaf af hinu góða. Í stjórnartíð Vöku hafa nokkur af stærstu hagsmunamálum í sögu stúdentabaráttunnar fengist í gegn. Þannig var Félagsstofnun stúdenta stofnuð árið 1968 og þökk sé baráttu Vökuliða voru fyrstu hjónagarðarnir byggðir en félagið hafði lengi barist fyrir því að fjölskyldufólk fengi sérstakt húsnæði. Þá var Lánasjóður íslenskra námsmanna var stofnaður árið 1961 þegar Vaka leiddi starf Stúdentaráðs.Vaka leiddi starf Stúdentaráðs frá 2002 til mars 2005 og náðust fjölmörg stefnumál í gegn á þessum tíma. Í seinni tíð hefur Háskólinn stækkað ört og verkefnin hlaðist upp á sama tíma og skólann skortir nauðsynlegt fjármagn. Það hefur því reynt á Stúdentaráð sem aldrei fyrr að sýna frumkvæði og taka af skarið til þess að ná baráttumálum stúdenta í gegn. Þannig hafa Vökuliðar vaktað byggingar á háskólasvæðinu í prófatíð til að tryggja stúdentum aðgang að lesaðstöðu. Eins tóku Vökuliðar sig til og skönnuðu inn þúsundir prófa og stofnuðu þannig prófasafn skólans, sem er nú inn á heimasvæðum nemenda. Undir forystu Vöku barðist Stúdentaráð gegn upptöku skólagjalda í fyrra og vann sigur þegar menntamálaráðherra lýsti því yfir að ekki yrðu tekin upp skólagjöld í grunnnámi við Háskóla Íslands.Framundan eru spennandi tímar og getur þú fylgst með öllum þeim viðburðum sem Vaka stendur fyrir á næstunni hérna á þessari glæsilegu síðu!Takk kærlega fyrir stuðninginnFrekari upplýsingar geturu fengið á heimasíðu Vöku
Layout Created at KillerKiwi.net