mungre lache romen pe gadi bari lumja !!!I'M GYPSY PATRIOT''Holocaust PoemMe sem
Yad Vashem.
Rat thaj praxo me naja.
Pe mor palme anava.Me sem
Yad Vashem.
Jag xalem,
Thuv pilem.
An Auschwitz me mulem.Me sem
Yad Vashem.
Pe kokala me sutem.
Bi jakhengo achilem.
An Treblinka me mulem.Me sem
Yad Vashem.
Ratesa man uchardem.
Bi morchako achilem.
An Buchenwald me mulem.Me sem
Yad Vashem.
Jasvenca me hiv handem.
Krikosa trusul kerdem.
An Dachau me mulem.Me sem
Yad Vashem.
Rat thaj praxo me naja.
Pe mor palme anava.Me sem
Yad Vashem.
Sa so sas man-
Hasardem.
An Bergen - Belsen me mulem.Me sem
Yad Vashem.
Bi navesko,
Bi lavesko achilem.
An Ravensbruck me mulem.Me sem
Yad Vashem.
Kaj me sema-
Ni dzanglem.
Dzanav numa kaj mulem.Me sem
Yad Vashem.
Ceri pe phuv perade.
An kalipe man phangle.
An Lublino me mulem.Me sem
Yad Vashem.
Mor per pharade.
An ma e chave chinde.
An Jasenovco me mulem.Me sem
Yad Vashem.
Rat thaj praxo me naja.
Pe mor palme anava.Me sem
Yad Vashem.
Semas kate, semas kote.
Pe kale, ratvale rote.
Praxo thaj thuv kerdilem.Me sem
Yad Vashem.
Sas man ilo rromano.
Sar Rrom me sem mudardo.Me sem
Yad Vashem.
Rat thaj praxo me naja.
Pe mor palme anava.Me sem
Yad Vashem.
Dzikaj boldel pe i phuv,
Ni hasavola o thuv.Me sem
Yad Vashem.
Dzikaj o kham ka phirel,
Yad Vashem si te ovel.Me sem
Yad Vashem.
Dzikaj o Del - Del ovela,
O Auschwitz ni bistrela.E Romen, te kamena, avelalen Romani Phu, ke trubul len. !!( Branislav Nikolic-Papo )
Create your own visitor map!