Teichoskopie heisst alli wellkomme of eusere offizielle myspace siite. Danke för s'verbieluege!
Mer send en colabo wo's sit 1997 get ond wo sech ide konstellation sit denn au ned veränderet het. Wo mer no als jugendlichi in kontakt met de hip-hop kultur (im spezielle met rap-music) cho send, händ mer dor das en faszinierendi möglichkeit gfonde eus kreativ und kompetitiv met eusere wält usenander z'setze.
Eusi liedeschaft för die musig hät im 2001 en vorläufige höhepunkt erreicht metem release vo eusere EP uf vinyl namens 'heilmittel ide wonde'. Uf das abe send vell uftritt i eusere region gfolgt, mit dene mer euse bekanntheitsgrad echli steigere händ chönne. Uf eusere musikalische schiene emmer begleitet hät eus eusi cru ond glichziitig euses record label 'Out Of Frame'. Us de oof-produktion stammet au all eusi instrumental.
Nachere lange 'usziit' fühlemer eus definitiv weder zrogg ond wärdet zäme met Nefew ond Costa s'out of frame trio weder of sprochlecher sowie stilistischer ebeni ergänze ond met ehne onderwegs si! Beatmässig werdemer ebefalls weder vo ihne onderstötzt, sowie vom dj Age, s'jöngschte mitglied vode oof-familie. Ehr fendet alli be eus onder de top friends, gönd go luege!
Haltet euchi auge offe ond chegget hin ond weder eusi siite damit ehr wösst was be Teichoskopie so lauft, mer wärdet euch do immer met de neuste infos versorge! Ond bitte fühlet euch frei ond kommentieret, blogget oder diskutieret öber eusi arbet!
Adere stell no big upz för all eusi lüt & herzleche dank för euche support!
Enjoy the music, much love!
Fab & Outsha'n